قصيدة الطنطل

سعدي جبار مكلف

الحوار المتمدن-العدد: 4835 - 2015 / 6 / 12 - 08:14
المحور: الادب والفن
    

الطنطل
بخطوات بطيئه توقفت عند باب المحراب توقفت أستمع لآنين شهقات كأنها عزف على أوتار ، أطفأت شموعي ورحت أعدد وأتذكر الاعزاء الذين ماتوا من أجل تفاهات التاريخ فأ صبح الجو عاصفاً حزيناً تاه معنا وتهنا معه ..
هذا طنطل
عينه نقطه
عينه طول
عينه مفتوحه وتجول
شرد أوصفنا شگول
لا طويل ولا گصير
هوه طوبه مستدير
مره نايم مره گاعد
مره يمشي مره يركض
ساعه چله ...ساعه نار وتستعير
وين المصير
دنيا ظلمه
ريح تصفر
ريح تحفر دنيا تغدر
هوه طنطل لا طويل ولا گصير
هو طنطل
كل حرز والعوذه تبطل
عوذة أمسودن ومشدوده أبحرير
خرزه ..خرگه ما تشور
ضيعت درب البشير
بعد بيمن أستجير
وين ألوذن
حضن أمي
بشت راگد صار خرگه
صار چفن أبلا مگابر
صاح دفانه البصير
أمعرس وزفت حبايب
سنطه وعيون اليتيم
أمظلمه أرض المسير
الحزن حنه الشوارع
سود عصابة حزنهن
أمشيلات...أمكدرات
تصرخ النعايه بيهن
حوبتي وچت عليهن
بكل دروب الفيصليه
تجري نهرانك يدم
الموت عم
اللاين الاول شهيد
اللاين الثاني عزه خالد سعيد
الثالث ...الرابع فقيد
كلها كلها أبصمت تبچي
بصمت تحچي
اوجوهم تصرخ وعيد
للعماره للرمادي من جديد
دنيا حنظل هو طنطل
هاج ملچ الموت زلزل
وبنهر جاسم تدلل
الموت أگبل
وحنا بالنصر المبجل
أنحصدنا عشگ منجل
صارت الدنيا قوانه
اسطوانه
ذاك ناعور المعدل
صرنا دعبل
لا بدايه ولا نهايه
سجن توقيف تگبل
سلمينا العمر هرفي
نخط شعارات ونهلهل
للمناشير التحني دروب حرثاتك يمعقل
نتنه الصفصاف يثمر
زاهي أجمل
لا ثمر نور أيدينا لا فرح وچه علينا
وننتظر زفة أمخبل
هو طنطل
أخ دولاب العمر فات وتبطل
أخ دولاب العمر مات وتعطل
شلون حطيت العمر بوجوه وادم
موش وادم
شلون سلمت العمر للوادم الماتستحي
لا ولا فد يوم تخجل
اخ سلمت العمر لوجوه مامش گطره بيها
ما چنا نسأل
من أوجوهم طاحت الگطره
أنطيت عمري للذياب
عطوة المخلص أمعدل
بعد شيفيد الندم
طعم حنظل هو طنطل
سنين طول
ابكيفه فصل
ورد يذبل
أشوكت يچفل
يا طلع نخلچ يبصره أشكثر ی-;-حمل
أشكبر هضمك ی-;-ا دجله
والفرات آعيونه تهمل
صار شط العرب أحمر
دمع وشل
حنة الفاو أتمرغل
بطلت ركصة الهيوه وطلع مزروف ألمطبل
وينه اليحچي أمكمل
حچي طنطل
الموت وچه مايبطل
دشته طبت أمدلل
ی-;-ا تلال آلله وآکبر
صوت فاختنا تشمل
حظه زين ألبس چفنه
حشنا حشة السنبل
لا نخل السلم منها
لا نهر يحظن الماي
كلها چلماته تزعل
حچي طنطل
زلم ترحل
أشوكت تخلص ننتظر عرسك يفنطل
حلم طنطل
حچي أمخبل
حزن خيم على الصوبين ومفصل
شهيگ أهلي دمع أمي
صراخ أختي
أخوي المات صديقي المات
هم فد يوم تتعدل
گلي أشلون تتعدل
يا طنطل ياطنطل
25-5-2015

#سعدي_جبار_مكلف (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات