ايه النظام ؟

حلمى حمدالله
كاتب ومفكر

الحوار المتمدن-العدد: 4831 - 2015 / 6 / 8 - 08:39
المحور: كتابات ساخرة
    

ايه النظام ؟

والان عزيزى المواطن الغلبان _الشهير بسياده المواطن.....ولابد انك فى قمه السعاده والنشوه ....من العيش والعيشه واللى عايشينها ...
ايه النظام ....هذا هو السؤال....
والأن ايها المواطن الغلبان .....الى قاعد فى هذا البلد الصوان ....من سالف العصر والاوان ....وبعد انتخاب الرئيس ومرور عام على هذا الحدث ذو الشان .....
تقدر تقولى ايه النظام ؟؟؟
يعنى ايه ؟؟؟...يعنى تقدر تعرفلى النظام السياسى .....بلاش النظام السياسى دى .... حتى اى نظام فى مصر دلوقتى....
زمان ايام مبارك كان فى نكته شهيره تتحدث عن كومبيوتر حاول تصنيف النظام المصرى سياسيا وهل هو رئاسى مثلا او برلمانى....انتهت النكته ببكاء الكومبيوتر ...
والان...لدينا نظام يتمتع بالمواصفات التاليه ...
نظام يعلن عن وجود دوله المؤسسات ......بها مؤسسات فوق الحساب ومستوى الشبهات والنقد ...يرفض اعاده هيكله الشرطه.....ويصنف السلطات _بضم السين_بترتيب اهميتها ولا يفصل بينها...ولا يجعلها مستقله ولا متساويه.....ويخلط بينها ولا السلطات_بفتح السين_
لا برلمان ولا احزاب ويبحث عن قايمه حزبيه موحده للأحزاب كلها ....ولا المانيا الشرقيه زمان ايام اريك هونيكر ...حاجه كده زى شربه الحاج عباس تنفع لكل الأمراض ...
هونظام الرجل الواحد والراى الواحد ....ومفيش واحد احسن من واحد....
وهنا هو يشبه الأنظمه الشموليه وتلاقيه بيغازل روسيا من بعيد لبعيد_روسيا .... الى بوتين بيحكمها بقاله 15 سنه _لكنه ينفتح على العالم كله سعيا وراء جذب الأستثمار ...ويحب و ويدعم المستثمرين و اصحاب رؤوس الأموال...فيخفض لهم الضرايب ...ويرفض فرض ضرائب على البورصه ...
ويمنع اى حد انه يعترض على تعاقداتهم مع الحكومه...
هو نظام يدعم محدود الدخل المواطن الغلبان فيرفع عنه الدعم ...... يهتم بالفقراء والمهمشين ....فيفرض عليه ضريبه عقاريه جديده....الى هيه بتاعه بطرس غالى ....ريحه الحبايب ....

هو نظام متدين يحاول تجديد الخطاب الدينى ويوكل هذه المهمه الى فاطمه ناعوت... ......ويتخذ من الفنانات سفراء له فى المحافل الدوليه..... ويحارب الاخوان والأرهاب وا لألتراس والفسادوالغلاء....
هو نظام وطنى.... لكنه يملك تحالف قوى مع امريكا ويضمن امن اسرائيل ....
هو نظام قومى عروبى ....يضمن امن الخليج ويدعم الشرعيه فى اليمن والانقلاب فى ليبيا
مع الأمارات لكنه ضد قطر ....مع العراق وضد سوريا...
ويقف مع نظام بشار ضد الثوره .....الثوره التى اتت به الى الحكم فى مصر....
هو نظام اتى للحكم بمظاهره فصنع قانونا لمنع التظاهر ....
لديه اعلام جوبلز ...واعلاميين احمد سعيد ....وشرطه عسس المماليك ....وقضاء الحجاج ....بن يوسف الثقفى .....الذى لايرى سوى رؤس قد اينعت وحان قطافها.....
والنظام قائم على الدعم الخارجى ويبحث عن مليارات المؤتمر الاقتصادى....ولكنه يبنى عاصمه جديده ...ومليون وحده سكنيه جديده ...وقناه سويس جديده...وشبكه طرق جديده...بينما يظهر عجز الميزانيه ان البلد ع الحديده ...
وهو يستدعى قوميه وعناد ناصر ....وبطوله وحكمه السادات...ورجال فساد مبارك...وكوميديا عبدالفتاح القصرى....
وهو لايقدم اى برنامج ....ولا يسمح بأى برنامج....حتى لو كان بتاع باسم يوسف ....ويقرأ من كتيب الكشافه ...كيف تصبح ديكتاتورا بدون معلم...
يبرأ ساحه انصار مبارك ....ويضع الثوار خلف الأسوار... ويطلق عليه ريهام سعيد....ويخطف الطلبه من اللجان فى عهده ....وتقتل الشرطه المتظاهرات فى ميدان طلعت حرب ....ولا كانه ميدان فرانكوا...
وهو نظام يعانى من التسريبات ....ويثبت دوما ...ان الأفكار...دائما لها اجنحه ...ايوا زيها زى اسمها ايه بالظبط.....
اوكما قال الفيلسوف العظيم برايز...فى فيلم ثقافى .....العيب مش فيكوا...العيب فى النظام
انتهت النكته ....وانتحر الكومبيوتر هذه المره...

#حلمى_حمدالله (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات