هل هناك انجازات واختراعات للعرب تقدر بالذهب

جان نصار

الحوار المتمدن-العدد: 4819 - 2015 / 5 / 27 - 14:54
المحور: كتابات ساخرة
    

في الواقع ان ارتفاع درجة الحراره هذه الايام والاخبار اللي زي الزفت في وطننا العربي ولاني ابن بيئتي ومجتمعي المصدي والمغيب المحجب بطل اللي خلق على الكتابه نتيجة التلبد الفكري والخمول الجسدي والوضع النفسي المتردي وقلقي من زيادة واتساع خزق(ثقب) الاوزون ويمكن انو بعد هادا الحر واكم سنه نرجع للايس ايدج يعني العصر الجليدي واكيد ساعتها جماعتنا اللي بالصحرا نازلين يدبحوا بعض راح يفقعوا من البرد وهيك بعد شي اكم الف سنه راح نقضي على الارهاب.
متكسلن كالعاده مثل كل شعوبنا العربيه والكسل ضارب اطنابه وماسك الريموت كونترول تبع التلفزيون وهاريتو وطلعت روحه من الانتقال من شنل لشنل ومن محطه لمحطه.
واذ يا جماعه في محطه ما الهاش اسم بتحكي عن تاريخ وانجازات العرب وتقدمهم وابداعهم من زمان لليوم.طبعا اجتني بنك اتاك نوبة ذعر وخوف وقلق وتوجس شو النا احنا والانجازات والاختراعات؟
بحد علمي وتصوري ولا شئ .
هاي جملة وكان العرب بترفع الضغط بسب ان كان: فعل ماضي ناقص وفي شكوك حول امره.. وكان: هاي في حتى علامة استفاهم بصحة هذا الفعل والقول.كان:يعني اشي مضى واكل عليه الزمان وشرب.اصلا هادا فعل كان هو سبب البلاوي اللي احنا فيها اليوم. لانو كل اللي كان يستنسخ اليوم وبصورتو القديمي ويطبق على ارض الواقع واكبر مثال الارهاب اللي احنا عايشينو من بعد كان وصل لاصبح.
منرجع لموضوعنا بقولك وكان طب العرب يدرس في اوروبا حتى القرن الثامن عشر وكانه كل شعوب العالم ما كانت تعرف الطب.على فكره الرازي وابن سينا هدول اللي احنا داقين فيهم ورافعين راسنا مش عرب واحد فارسي وواحد بخاري على تشقندي مطعم بافغانستاني كل طبهم ورياضياتهم كانت اغريقيه يونانيه مساكين ابوقراط وسقراط وافلاطون واقليديس وسمكليدس وبطيخديدس وفولديدس..وكمان معلومي ,اي زمن الفراعنه كان الطب والعلم متقدم بدرجات اكتر من الطب العربي ...لحد اليوم ما في حد قادر يفهم سر التنحيط تبعهم.وبالفلك وبالزراعه والطب وفن البناء سابقوا العرب بمراحل لانهم (العرب)كانو بدو وعايشين بالصحاري.والطب العربي كله ملطوش من الطب اليوناني الاغريقي لانو بهداك الزمان ما كان في حقوق ملكيه فكريه والعربان نتيجة الترجمات نسبو كل شئ لانفسهم.
يعني بالمختصر قبل طب العربان كان هناك الفراعنه وطبهم والاغريق واليونان(اليوم مسكين الديون لاحقتهم بعد كل العلم والحضاره) وطبهم والصنين يا عيني عليهم وطبهم والهنود وطبهم والاشورين والكلدانين وابصر مين كل هدول اكيد قدموا طراطيش حضاره وعلم للعالم قبل جماعتنا..
بقولك عباس بن فرناس اول محاولة طيران مع كل الاحترام اغبى محاولة طيران لانها انتهت بموته ومع كل الاحترام كان امازيغي مش عربي.
وين احنا من الادب العالمي الشعر والقصه والروايه(هدول نفس المعنى والا لاء) والفن والنحت والرسم في النا مكان على الخريطه.
مثلا اختراعات مثل الكلسون والبنطلون والبابيون والسكسافون والغرامافون والتلفون والتلفزيون والبلفون وصولا الى السلكون (هاد اللي بخلي صدور النساء نافش) العرب مكنوش هون.
الفولت والامبير النا فيهم صباح الخير.
قانون الجاذبيه اكتشفه نيوتن لما وقعت التفاحه عن الشجره واحنا نوكل التفاحه والشجره نفسها.
ارخميدس والرياضيات وحساب المساحات والكثافه وجاذبية الاجسام ودخوله الحمام وانجاز الاحلام وتحقيقها بوجدتوها وجدتوها في الحقيقه مش في المنام.
اينشتين والنسبيه الزلمي نتف شعرات راسو وكنفشهم من كتر بحثه في الرياضيات.
اللي صارعني اننا اكتر شعوب العالم نميمه واستغياب والحكي على الطالع والنازل بيجي واحد زي مارك زوكربيرغ(يهودي الاصل) بعمل برنامج نميمه وفضايح ونشر غسيل وسخ ونظيف وبسمي فيسبوك بشكل علمي طبعا واليوم هو من اكبر بليونيرية العالم.طبعا نتيجة الحاسيه الزائده والمفرطه وكرهنا لاسرائيل مش راح نذكران اليهود رواد في الاختراعات والعلم طبعا بعيدا عن السياسه والدين الله يقطعهم هدول اليهود ولاد الابلسه. انا بكره اسرائيل وبحب عمرو دياب مش موسى هييييييييييييي
مشان الله اعطوني اختراع واحد عليه القيمه احدث تطور وطفره وتقدم وابداع وعلامه فارقه وتغير مسار غير اكبر قرص فلافل واطول سدر كنافي واكبر صحن تبولي واكبر حلة كشري.
بصراحه ومن غير زعل لا النا لا انجاز طبي ولا تقدم علمي ولا تكنولوجيا ولا حاسوب وبرامجه المتنوعه واشي بتعلق بالزراعه او الفضاء والعلم والفن والتنوير والحداثه و و و يسجل باسم بني عرب.
لاء وبيجي واحد وبقولك لازم تفتخر بجذورك العربيه.
يا شيخ روح التهي وحل عنا ومتنازل عن عروبتي وانتمائي لهاي الامه العربيه ذات رساله سائده او عائده او خالده وخلني انتمي للشعوب الرائده.

#جان_نصار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات