العُطَل العظيمة .. في العراق العظيم

عماد عبد اللطيف سالم

الحوار المتمدن-العدد: 4806 - 2015 / 5 / 14 - 12:32
المحور: كتابات ساخرة
    

الحكومة تقرّر : الأربعاء والخميس عُطلة !!!
على اساس كَبل هاليومين .. جان أكو دوام .
قبل اسبوع رحِتْ للدوام .. ملكَيتْ بس الحرّاس .
كَاللولي : هاي وين رايح استاد ؟
وواحد منهم خنزّر عليّه ، وراد منّي " سرّ الليل " .
طبعاً آني معرفتْ لا " سرّ الليل " .. ولا " سرّ النهار " .
إحترمتْ نفسي .. ورجعتْ للبيت .
أبو " السايبا " كّللي : ولو آني ممستفتّح من الصبُح ، وهاي أوّل كروة .. بس شنو قصتك حجّي .. جَنّك متدري اليوم عطلة ؟
فَنْكم شلون كَمتْ أعرف أكو عطلة .. خاصةً اذا جان كَبُلهه عُطلة ؟
لا عبالكم اباوع على قناة العراقية الفضائية .
لا يابه لا . هاي دائماً تكَول أكو دوام .. و" الأنتاجية " بالعراق " فُلْ أوبشن ".
شوفوا شلون .
أكَعُد الصُبح من النوم .
ألكَي البيت سنطة .. والويلاد والبنات يشوخرون .. ومرايحين للدوام .
أصيح : وردة .. عُطلة .. وأرجع أنام .
ومن أكّعد الظُهُر جوعان .. سبحان الله .. تطلع صدُك عطلة .
صار وزني 200 كغم .. ورجعت صغيرون ومدَحْدَح .. وسمين .. وأزحف زحف .. مثل السحليّة المربربة من العافية ، هاي التطلع دائماً بقناة " ناشيونال جيوغرافيك " .
وفوكَاها تجيك الـ UNDP ، بتقريرها السنوي ، اللي تسمّيه HDR .. وتكَلَك : شوف يَوَلّ .. تره النرويج أحسن بلد بالعالم !!!!
وفوكَاها يجيك واحد ، ويدوس بـ بطنك .. ويكَلك : تره العيشة بالنرويج ، أحسن من العيشَة بالعراق !!!!
شلونك .. إنته .

#عماد_عبد_اللطيف_سالم (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات