لاتقولى يابان ولا ترتان المصرى هيعمل كل شى ان كان(انا قريت الكلام ده فمجله علمية اسمها اسكتى يا لواحظ مش كفاية العالم كله ملاحظ)

أنطونى جمال عبد الملاك

الحوار المتمدن-العدد: 4738 - 2015 / 3 / 4 - 20:14
المحور: كتابات ساخرة
    

نداء الى كل طلاب مصر الاجلاء خصوصا طلاب ثانوى والجامعة

مش كفاية مرمطة للعلم والمنطق وننتبه ل مذاكرتنا وشغلنا ومصر

نسيب العلم ف حاله الله يخليكم العالم كله هينتحر بسببكم

سبب كتابتى للمقال تكريم محافظ ل طالبة أداب عملت اختراع ل توجيه الصواريخ والاقمار الصناعية

ده كلية اداب اتطورت خالص من سعه ما سبت اصحابى اللي بيدروسوا فيها لما كنت بروح الجامعه علشان اخد الفيزيا والرياضيات والكيميا
لان ف هندسة اسوان مفيش معامل ل كده وهي خارج مقر الجامعة


اداب وصواريخ واقمار صناعية احييييه ده #دونت_ميكس علي راي مرسى
( انا متبرع للدفاع عنه مدي الحياه علشان يموت موته ربنا واطالب الدولة المصرية بمحاكمته يوميا مدى الحياة وتتذاع لايف ونعمل قناة دش مخصوصه ليه
(واعلانات بقي واشتراك بالدولار - انت عارف العالم كله بيخلي فلوسه دولار وتجاوزا ين ياباني الباقي بيغتص مبيتلعش تانى - يالهوي عليا الطلاق نسدد ديون مصر وكمان نجيب عمله صعبه تكفينا دشيلاشر سنه

ملاحظ بقالى سنين كتير مرمطه المصريين للعلم من سعت ماوعيت ع الدونيا وحياتكم وقبلها كمان

1- مزاد اخطاء النظرية النسبية ل أيناشتاين

بص يابرنس الحكاية ابتدت بان المزاد بيبقي كل شهر وسخنت الحكايه بقيت كام اسبوع دلوقتي يومي يامعلم

تلاقي طالب ثانوية عامة طالع ف التليفزيون ولا جرنال يقولك انا اكتشفت 27 خطاء ف النظرية النسبية
يجي طالب تاني ف حته تاني ويمكن يكون صاحبه كمان
عليا الطلاق ب 486 خطا
يجي واحد تالت يعلي
عليا ب 2846

بس ياسيدى والمزاد بيخلص علي 40000 خطا

امتي الواحد يوصل لل مليون يااخونا

المهم مفيش عيل منهم يطلع بقصقوصه ورق من تحت بير السلم يقولنا خطا واحد وازاي اكتشفه

ياسيدي جات عليك انت

ماهو بيشوى مطران دمياط للاقباط الارثوذوكس طلع ف جرنال يقول

600 عالم امريكنى اثبتوا فشل نظرية التطور ل داروين
ومطلعش يقولنا اسم عالم ولا صبي عالمه يقول قال ايه واثبت فشلها ازاي

وهنا لمعت دماغى الذهبية بال الشه التاليه

قررت انكلترا تغير خطتها في تطوير اسلحة غاز الضحك ب تصريحات بيشوي المطران
وذلك لانها غير مكلفه ماديا وامنه ف الاستخدام

وده بسبب انه تم اذاعة تصريح الانبا بيشوى علي طلاب الابتدائية في طابور الصباح
مما ادي الي انهيار الجميع علي الارض ضاحكا وتقرر الغاء اليوم الدراسى كاملا

( بريطانيا بتدرس نظرية التطور للعيال في ابتدائي واصدرت قرار منذ سنوات اي مدرسة لا تدرس النظرية بفكرة مبسطه لطلبه ابتدائي لا يعترف بشهادتها الابتدائية )

النبي يااخونا الراجل اللي اسمه بيشوى المطران بتاعك يخليه ف عكه ف الدين المسيحي اللي بيعكوه وانتم بتقولوا انه بيتكلم صح
ياسيدي براحتك انت وهو في كلامك ف الدين بس ميفتيش ف العلم والنبي بالرغم انه مهندس ميكانيكا

احييه #هندسة_انضربت_ياجودعان

2- اختراعات عبقرية لا تحدث الا ف مصر

** انا بقول لكل المصريين متخفوش من انشاء اي محطة طاقة نوويه لاستخدامات سلميه
1- هنتصرف ف الفلوس اللي تنشائها
متدقش ياسيدي هنتصرف بقولك
2- متخفش بردوا ان مش المشكلة ف انشاء المحطة بل الازمة في صيانتها وكذلك وعي مسئوليك وشعبك في التعامل معي اي تسريب او مشكله تحصل

اصلنا هنشغلها بميه البطيخ يابرنس

ايوة متستغربش
طلع واحد مصري ف الاعلام بردوا قال انه اكتشف تطبيقات نووية ل عصير البطيخ

ايوة ياعم البتاعه اللي بتكلها ف الصيف اللي بتسال الراجل قبل متشتريها البطيخة دي حمرا ولا قارعه وتقعد تخبط عليها قال ايه هتعرف حمرا وقارعة
اللي فيها بذر كتير وعادل امام مرديش يكولها علشان فيها بذر كتير في مسرحية الواد سيد الشغال
ولنها اخضر من بره وبيبعوا قشرها احيانا انه سمك مقلي

( والدي لما كان ف الجيش نزل يوم محافظه ما وكان عايز ياكل ف راح وصفوله مطعم سمك
ف راح يشوف السمك المقلي لاقاه قشر بطيخ متحمر ههههههه حكهالي الله يرحمه انا وصغير )

** هنطلع الفضاء ب مركبة بر مائية

يابرنس متقلقش هنطلع الفضاء ب مركبه شوفت شكلها كلها خشب باين ولا معرفش ايه بتفكرني بلعبة الميكانو اللي كنت بلعبها انا وصغير اللي تقعد تركب شويه حاجات بلاستيك بمسامير علشان تعمل منها شكل دبابة

والله واحد طلع ف الاعلام بحاجه شبه كده قال انه عمل البتاعه دي وهي مخرمه من كل حته بتغوص ف الميه وممكن تطلع بيها تتحرك ف البر
وقال هيطورها لتغزو الفضاءء

طبعا مش هاقولك اختراعات تاني انا مراعي صحتك بردوا ومراعي ان الضغط والسكر عليوا ويمكن تكون موت من اول كام سطر مكتوب ف المقال ده
كفايه بس اختراع عب عاطي كفته ننوه له وانت هطب ساكت

3- رجال الدين بيفتوا ف العلم كمان بعد ما شبعوا ف الفتي ف الدين

( وهنا اقول بعنصري الامه رجال الدين المسيحي والاسلامي ولو روحت اسرائيل هتلاقي حاخامات بتعمل كده بردوا
انت عارف رجل الدين بيفهم ف كل حاجه
ده حتي الراهب بيفهم ف نوع البوسة #لامؤاخذة)

في برنامج بيت ع صخر اللي بيستضيف المرشد العام للاقباط والبابا الفعلي لهم بولا اسقف دمياط والرجال الاقوي ف امارة العباسية
ولكنه ليس القوي الوحيدة مثل عهد شنودة التالت البطرك السابق

مشاهدة سالته انا مخطوبة ل واحد وهو بيحاول يبوسنى
اعمل ايه ياسيدنا

راح قالها لازم نعرف نوع البوسة ايه

احيييه دي متخصص بقي

1- خرج علينا تؤاضروس التاني بابا الاقباط بتصريح ملوش حل عن سد النهضة

قال انه مشروع عظيم هدية السما لنا وقعد يفت ف الموضوع

ابوس ايدك يااخي انت صيدلة وان كنت اشك ف شهادتك التي تحملها بسبب تصريح لا للاختلاط بين البنات والاولاد منذ مرحله اعدادي
لانه يصنع رجل مايع وبنت مسترجله

انت متعلمتش ف صيدلة في ماده علم النفس
ان الكلام اللي بتقوله عيب وحرام وبيهز عرش السما

وان لو عملنا كده هنطلع متحرشيين بعدد اكبر من عدد سكان قطر

( قطر اخدت المركز الاول لاعلي هاش تاج بسبب المصريين هاش تاج #قطر_بنت_الوسخة ده وصل لان اي حد بيكح ع الفيس بيقول الهاش تاج ده مصحوب بالكحه )

بتفتي ف اقوي علوم الهندسه المدنيه
( الري والهيدوليك - الاساسات - الخرسانه - علم المساحه - ................)

وهنا اوجه نداء للكنيسة القبطية انا متبرع بمرتبي اللي باخده من الحكومه ومحلتيش غيره
ولو عرفت اقلب من الحجه ال 300 جنيه - وده مستحيل لانها هتنفخني لو قلبتها من وراها - علشان اكمل بيهم كورس الالماني اللي ناوي اخده حلال عليكم بردوا

بس تعينوا متحدث اعلامي مكانه
قال كلام جوز اللوز يبقي البابا هو اللي مفتمه ع كده
جود وخطرف يبقي مش بيسمع كلام البابا ومش بيلتزم بالنص

2- طبعا انا مش هاتكلم علي زغلول النجار مش ناقص قضيه ازدراء ولا سب ولا معرفش ايه
كفايه قضايا الاقباط اللي كل ويك اند بلبسها وبقضي يوم ف الزنزانه ف البندر وبخرج لانها كدب من سرايا النيابة

3- اجابة سؤال داود لمعى كاهن مصر الجديدة بخصوص نظرية التطور

الراجل ده اكتشاف بصراحة وممكن يكمل طريق مرسي

لازم انوه ان داود لمعي الاقباط بيتفشخروا بيه اكتر من فشخرتهم باي حاجه ف الدنيا

السبب انه كان طالع من العشرة الاوائل في ثانويه عامة وامتيازات صيدلة وخيال علمي يااخونا ف العلم

اتسال ف عظه للشباب

ايه رايك ياابونا ف نظرية التطور

راح اتعدل وعدل النظارة ولا اجدعها عالم ف العالم كله

وقال

ترضي ان ابوك يكون قرد

فبهت المؤمنون من حكمه الرد

ياسيد داروين مقالش كده ف كتابه

لا قال ان الانسان اصله قرد ولا دبانه حتي

قال انا اعتقد ان اصل الانواع كلها واحد
وتتبع اصل الانسان وقال انه وانواع متطوره من القرده والشمبانزي جايين من اصل واحد

تصدق بالله ان ابتديت ايقن ان كل الاصوليين اصلهم واحد بسبب ان تفكرهم يندرج تحت بند تفكير حمار حصاوى

** الترويج لطاقه الفنكوش

بدئت الدوله تروج لاستخدامات الطاقه النظيفه ( فكك من نظيفه دي مش بتاكل عيش وهافهمالك بعد شويه ) مثل طاقه الخلايا الشمسية

ودي مصيبه ياسيد ادفع فلوس ف حاجه تم الحسم انها فاشله ومتنيله ب 600 نيله

ووصل الامر ل اعلانات عن كومبوند متكامل بهذا النوع من الطاقه

1- مبارك اتعرض عليه من المانيا عرض خيالي فحت ورفضه
انت عارف انه فاسد وكدهون

العرض كان انشاء محطات طاقه شمسية في الصحراء الغربية مجانا وكمان هياخد فلوس من الارباح


بس علشان هو فاسد ونور ومش بيحب مصر رفض
الكلام ده ايام مكان محكي ف المحكي انها المستقبل وكدهون

2- اخر دراسة علميه بتقول ان الشركات الكبري والدول بترفض طاقه الفنكوش دي وده ليه لسبب بسيط انها فاشله ف كل التوجهات وبكل الحسابات

ده ليه بقي هاكتفي هنا بشرح مبسط لبحث علمي لعالم قريته بيحسب اقتصاديا بس ليه فاشله

الراجل حط احتمالات غريبة ف حساباته
1- افترض ان المعدات اللي هيستخدمها هتعمل لمده 24 ساعه ف اليوم وشغاله كل الايام كمان بكفائتها كلها بنسبة 100 %
( وعندك واحد خيال علمي وصلحه )

ده لان افخهم معده ف طاقه الفنكوش بتديك ف اول استخدمها كفائة 40-50 % ده كبيرها
ومعي الاستخدام بتنزل لا اقل من 30 % شوفتم يال اكبر من كده

2- هنوصل معي تقدم العلم ان سعرها هيبقي رخيص فحت بس بعد عشرتاشر تماناشر سنه باذن الله
بس ده احتمال بردوا ممكن ميحصلش اصلا

3- الانبعاث الحراري من استخدام المعدات هنعرف نتصرف فيه
ازاي ياسيد والله ماعرفش هو قال ياعم اشتري مني هنكسر قوانين امنا الطبيعه ونمشي وراهم ولاد ال تيت تيت تيت

طلع بنتيجه جامده فحت

1- ارقام الحسابات الاقتصاديه كفلوس بالدولار الاخضر المسيطر

غريبه يامعلم عدد اصفار كتيره فحت عليا الطلاق ماعرف اسمها ايه اخر حاجه اعرفها 18 صفر باين قدام الرقم من علي ايديك اليمين

2- قالك علشان نشغل الطاقه دي ف ولايه صغيرة ف امريكا
محتاجيين نغطيا امريكا كلها بخلايا شمسية

3- قال وبعد ما هنعمل كده
هاسبلكم بردوا وده ليه لان الانبعاث الحراري هيخلينا نفصل الاجهزة بعد ساعه - ساعتين من الشغل المتواصل
علشان لو معملناش كده امنا الطبيعة هتشنيرنا كلنا

وفي النهاية اقول

ابوس ايدكم يا كل سكان مصر المحروسة

النبي يااخونا ممكن نخلي عندنا دم ونقرا اي حاجه ونفتح الكتب ونتعلم
ومنفتيش ف حاجه مش بتعتنا ولا بنفهم فيها ونشوف حد بيفهم يشرحهلنا

حرام عليكم الكلام ده لو حصل ف بلد تاني

كان كل المسئوليين المرتبطيين بالموضوع ده اخدوا اعدام ودون محاكمه كمان

بنصحكم بالاتي

1- ابتدي تقرا ف الحاجه اللي عايز تقرا من كتاب نضيف
ارشح سلسله مقدمة قصيرة جدا

العلم بيتشرح فيها بطريقه بسيطه يفهمها من شمام الكله الي العالم

2- تروح تتنيل تحضر ندوات متاحه مجانا ف كل حته ومحدش بيحضرها غير المثقفيين معي انهم بيكون عارفييين اغلب الكلام اللي موجود فيها

3- ننتبه لمذكرتنا وشغلنا بعد كام سنه والله مهتعرف تجيب المم اللي بتطفحه

4- نزل فيديوهات ولا اسمع قنوات تعليميه

انا زيك والله بتفرج افلام هلس وافلام سكس ( اللي يعرف يتلفي الراجل بتاع ماسبيرو اللي شقط 1500 جيجا سكس وسياسه وخلع يقولي ) وبقرا ف العلم وبشوف فيدون بردوا

تتبع هاش تاج

#اقرا_تفهم_تصح

علي الفيس بوك تجد ما اخترته من مقالات وكتب

#أنطونى_جمال_عبد_الملاك (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات