احنه ولد الانتفاضه احنه فخر الصامدين
احنه شمس الله الكبيره وماتطفينه السنين
شما ثكل جور الليالي
يبقه عدنا الوطن الغالي
والشعب امنه وابونه وحب ارضنه الطيبه دين
احنه ولد الانتفاضه صوت مايعلانه صوت
احنه كابلنه المنايا بروح ماهزاها موت
بدمنا صدينا الرصاص
عيونه لفجر الخلاص
وكل جوارحنه .. لوطنه..تمطر شموع وحنين
احنه ولد الانتفاضه احنه فخر الصامدين
احنه شلنه هموم اهلنه وصحنه حى اعل الجهاد
غنت النه جروف دجله.. واضحكت جروح البلاد
احنه مدرسة النضال
جيش حاضر للقتال
لا نهاب اولاد صبحه ولا قيادة مجرمين
لاوفيق ال يكدر النه ولا حثالة مخبرين
باجر ندوس اعل راسه بحيل رب العالمين
www.ammar.1662.net