عبدالله صقر
الحوار المتمدن-العدد: 4728 - 2015 / 2 / 22 - 14:08
المحور:
الادب والفن
موش هو ده شكلك
ولا هو ده لونك
ولا هو ده الدمع النازل
من تحت جفونك
وليه يا أمى لابسه الأسود
وليه حزنك مالى المكان
يا أمى شيلى ورا ظهرك
وتأكدى أن ها يرحل الطغيان
ما دام فيه رجالة ها يشيلوكى
إذا سقطتى فى الميدان
.................................
ليه يا أم الرجال غضبانة علينا
دا دمعة من عيونك غالى أوى علينا
أضحكى يا أمه , يوم فرحك قريب
كل اللى جاى علينا موش مننا
ده واحد غريب
مادام ها يكفرنا وها يجعل
حقنا سليب
يا أمه يا أم الرجال
أفرحى يا أمه دا مفيش شئ محال
مسير كل الحقوق ترجع فى التو والحال
موش عاوز أشوف وجهك متغير
ولا بالك فى يوم يتحير
وراكى رجالة تقدر للظلم تغير
أفرحى يا أم علم أحمر وأسود وأخضر
بكره ها يجى علينا أخضر
والظلم لا زم فى يوم يرحل
#عبدالله_صقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟