راح نسوّي .. وراح نصير

عماد عبد اللطيف سالم

الحوار المتمدن-العدد: 4715 - 2015 / 2 / 9 - 17:25
المحور: كتابات ساخرة
    

راح نسوّي .. وراح نصير


راح نطبّق موازنة امر واقع . ونتقشّف . ونشوف جارة لأقتصادنا التعبان . ومعاملنا المسدودة . وزراعتنا الميتة . وتجارتنا البايرة . وكَاعنا السبخَة .
راح نوازِن . ونتوازَن بالحُصص ، لأن ذنّي موخوش حُصَص .
راح نتصالح ويّة الزعلانين ، حتّى ميبقى واحد زعلان ، وميلعب ، وميخرّب الملعب .
راح نقضي على الأرهابيين . والتكفيريين . واللصوص . والفاسدين . والحواضن .
و نجفّف منابع الخوف . ونرجّع المي للهور . ونحاول نبني بلدنا صح . ونبني عقولنا صح . ومنقبل واحد يقشمرنا .
راح نطّي هواية دم . وهواية حال ومال . وهواية تعب . ويموتون هواية شباب من ولد الخايبة .. و راح " تفيضُ المقابرُ بأحلى فتيان العراق " .
راح نغني . ونفرح . ونسهر للصُبُح .
و بعَدْ ذنّي كُلْهِن ، بلكي ذوله ، ( المدري منو ) ، يخلّونه يصير براسنه خير ..
ونعيش مثل الأوادم .

#عماد_عبد_اللطيف_سالم (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات