حضري ركبتج للذبح ...وتشهدي يابغداد

ابو زيدون الوائلي

الحوار المتمدن-العدد: 345 - 2002 / 12 / 22 - 02:07
المحور: الادب والفن
    

حضري ركبتج للذبح ...وتشهدي يابغداد
من لندن اتحرك رتل...شايل الف جلاد
            * * *
مثلج تحملنه الالم..وتحده كفنه الطغيان
لعيونج انذرنه العمر..ودمانه سالت نهران
امنه بالحب والوطن..وكفرنه بسم الشيطان
 
شلناج بالمهجه نبض..بهور وسهول وديان
ماتعبت ايدين الزلم..خشنه وتبزل العدوان
سافرنه بدروب الحلم..حبج خريطه وعنوان
ماتاه مركبنه وركس..لا خان عهده السفان

شاجورنه يخط الشعر .. والتفكه تعزف الحان
والجرح يرسم عل ضلع..والنزف يمطرله اللوان
تاليها مكبل ننشتم..ونتسمه زمرة معدان؟؟
ويتنصب اعلينه نذل..مجرم ودوني وسجان؟؟
سفاح ماعنده شرف.. وسجونه اكبر برهان
ياما  بسراديبه ذبح..شيب وشباب ورضعان؟
وياما خدم حزب البعث..وشكثر طارد شجعان؟؟
بمجلس قيادتنه صفه.... هوه ورفيق مشعان
واحد سرق مال الشعب.. والثاني اكبر جلاد
             * * *
 

 

 

 

#ابو_زيدون_الوائلي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات