نحن واللغات واشياء اخرى

جان نصار

الحوار المتمدن-العدد: 4641 - 2014 / 11 / 23 - 16:37
المحور: كتابات ساخرة
    

تحذير:هذا المقال من نوعية خمسه فرفشه ضحك ونغنشه .اذا كنت كتير جاد لا تقرئه واذا وقتك ثمين لا تضيعه واذا بتحب السياسي لا تقربه والاقتصاد وفره والاديان فكفره.

لن ادخل في تفاصيل تخلفنا وجهلنا واميتنا نحن الشعوب العربيه لانو هادا مش موضوعي اليوم وبصراحه زهقت من التذكير بذلك, لكني فقط اردت التنويه ليش شعوبنا وبالاخص مثقفينا وفنانينا ومهاجرينا ما بهتموا باللغات .
المثل التشيكي كان يقول:قديش بتعرف لغات انت انسان. انا وبلا فخر بعرف اربع لغات يعني انا اربع انسانات( اشخاص) بالاضافه الى اني اعاني من انفصام شخصيه لهيك المجموع 8 لغات على اساس 4 ضرب 2.
معظم العرب المهاجرين الى الغرب وامريكا اولادهم لا يتقنون العربيه مع العلم ان الاباء والامهات هم عرب اقحاح وما كانوا يعرفوا غير العربي.
قال ليش لانوا اللغه العربيه مش لازمه او ما فيش وقت او الاو لاد ما بدهم هاي اللغه المصديه او فش ممارسه او ا و . هاي المجموعه من الناس مش حابين يقولوها على بلاطه لا بدنا عرب ولا عروبه طلقناهم بالتلاتي .او مش حابين يقولوا عن انفسهم انهم تنابل والانكليزي اذير اسهل وارخص.
منذ ان انضربت على قلبي واتزوجت زوجتي السلوفاكيه قررت هي مش انا ان الاولاد يجب ان يتعلموا اللغتين العربيه والسلوفاكيه وهادا اللي صار واليوم اولادي جميعا الاربعه يتقنون اربع الى 5 لغات وزوجتي يا حرام بس 6 لغات.
في بيتنا اللغات الاساسيه العربيه والانكليزيه والسلوفاكيه والعبريه بالاضافه الى الفرنسيه والروسيه والاسبانيه ومحسوبكم الله وكيلكم انا فخمتو بس عربي. انا بخيبو اتكلم عربي انا مش بعرف كتير شويه شويه.
اللي بقهرني وبغيظني وبنرفزني وبفقع مرارتي انه كتير من فنانينا وفناناتنا احيانا بفسخوا بنياعهم(حنكهم او فمهم) وقال بحكوا انكليزي وهم بالاصل اميين ويا دوب العربي, او غير متعلمين ..بفكروا حالهم على اساس زيارتهم لامريكا او بريطانيا مره او عشره صاروا يحكوا انكليزي(لوندي).
وقال ايش قدام الملاين بتحفونا و بفجرولنا جمله من 5او6كلمات بالانكليزي اشي بخزي.عندكم المطربه احلام اللي على غير صوتها ما بنام. لغه انكليزيه تحت الصفر ومع هيل بتتحفنا بجمله او كلمه اشي فاخر على الاخر .وهالايام الردح والشتائم بين شذى حسون خريجة الجامعات واحلام خريجة الامارات على اللغات والاتيكيت وفن التعامل والتكامل والتفاضل.
الفنانه شيرين عبد الوهاب لغه انكليزيه تحت الخط الاحمر وكمان بتطرقنا جمله ولا اهبل مع انها بالفعل اميه لكن انكليزيتها ريلي حقيقي فري فري جود.
مهرجان القاهره السينمائي 2014 ما لاقو غير النجمه السينمائيه غاده عبد الرزاق تتقدم احدى الجوائز وهي ولا طخه انكليزي جمله من 8 او تسع كلمات وما عرفت تحفظها وتلعثمت وتئتئت وتخربطت وتهجت وكان بدنا ترجمان لنفهم هاي الجملي البسيطه .
انا مش عارف ليش بتحطوا نفسيكم بمواقف بيخهههههههههههه.
زي السيده المصريه التي قالت وصرحت على التلفزيون:شت اب يور ماوس مستر اوباما.
P and B
اكثر من 90 في المئه من الناس وحتى المتعلمين هذان الحرفان يلفظان نفس الشئ عندهم مزبوط يا بيبول(ناس) وخليكو كلو بتاتا مش بطاطا.
انا بعتذر يعني شعوبنا مش ملاقي توكل ولا تشرب وعاطله عن العمل ومغيبه ومحجبي وجنابي بدي اياهم يعرفوا لغات .
زمان كنت افكر اذا اكلت معكروني وسباعتي وفوتوشيني راح اصير احكي ايطالي ولهيك اكلت الكرواسون والبغيت ومع هيك لا ايطالي حكيت ولا فرنسي تهجيت.


اكثر شئ انا عجبني هاي صرعة التتوو(الوشم) .مثلا غاده عبد الرزاق وهيفاء وهبي و فلانه وعلتاني بدهم يقلدوا انجولينا جولي بالتتو وما شالله ايدهم وزنودهم وفخادهم و و تتوو رسمات على كلمات وصار التتو صرعة هذا الزمان خصوصا الرياضين امثال بيكهام وابراهيموفيش وممثلات ومطربات.. الوشم وين ما خطر على بالكم والمهم يكون واضح وبارز وبالالوان فراشه افعى طير شعار نجمه ورده وهات يا رسمات ووين ما بدكم في وشم حتى على المؤخرات.
الوشم اليوم اصبح رساله وشعار وشخصيه وطبقه بعد ما كان محصور بالسجناء.
في البنايه التي اسكنها عندنا جاره حنونه مستفزه على مجنونه لكن والحق يقال فيري بيوتي فول جميله فوق العاده عليها كل وشم ولا اخته.اخر وشم كان على صدرها على شكل طياره ومحسوبكم لما شفت الوشم اه على اخ يا ليت الشباب يعود يوما. طلعت عنيي من محلهم زي افلام توم اند جيري او فيلم الماسك( القناع) حوالي 10 سانتي ورجعوا لمحلهم من الانبهار والاعجاب والسخسخه وفتحت تمي ونزلت ريالتي(لعابي) وفتحت رجلي وارتخو ... خلص بلاش اكمل.
طبعا هي لماحه جريئه وسئلتني: شو جار عجبتك الطياره.
انا بكل بلاهه على خبل على توهان وهيمان اجبت:اه ايو عجبتني كتير الطياره بس اللي اعجبني اكتر المطار اللي مهدي عليه الطياره.
اجابتني :يقطعك شو اوي(قوي)يا جارنا .
وفجأه انفتح باب شقتنا وطلعت وزيرة الداخليه حرمنا المصون وسئلتني :ايش بعدك على الدرج.
محسوبكم تلعثم واتبكم وقلت في نفسي اجت الحزيني على اخر ايامها تتفرح ما لاقت مطرح...يعني كان ضروري تفتحي الباب وتقطعي علي المنظر والجو وتخربي الفلم.. يللا الله لا يوفقك.

عزيزي القارئ اعترف اني وصلت الى خريف العمر وارزله كما يقال وانه يجب علي انا اكون وقورا وجادا بقدر عمري وشيبتي لكن مع الاسف لازلت في عمر المراهقه الفكريه ولم اكبر بعد.
في كتاباتي رافع شعار لا تشكيلي لابكيلك.
كثير من الكتاب يرغبون كتابة ما اكتب لكن برستيجهم لا يسمحلهم ومكانتهم في المجتمع بجوز تنهز السياسي قضت علي بالضربه القاضيه والادب بالنقاط .

#جان_نصار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات