حمدى عبد العزيز
الحوار المتمدن-العدد: 4627 - 2014 / 11 / 8 - 01:16
المحور:
الادب والفن
بيحبوا بعض
، كانهم ..
متطلقين ،
بيدوروا على أى تمحايك
، أو سبب ..
يتلموا بيه ..
على بعض.. تانى ..
حتى ولو كانت خناقه ،
بتنتهى بخرابيش ،
وخدين مبلولين ،
بيحنوا لإيدين ،
هاتراضيهم ..
(......) ،(.....)،(......)
.... تفرد دراعين ،
وتميل دماغ
- اتطمنت -
ناحية كتاف الواحد ...
اللى دموعه بلت - بعدها -
طراطيف مناخير الونيسه
بشعرها اللى اتحامى فيه ..
(.....) ، (.....) ، (...... )
كل ده .. ماحصلش ليه ،
واستنوا ليه ...
واحد وحيد ،
واحد وحيده
، لوحدها ،
وأطراف ايديها ..
فوق مفارق شعرتينها البيض..
بتمشى ،
وقبل ماتجهز قزازة الصبغه
- قدام المرايا -
، وتخلط المقادير ..
___________________
حمدى عبد العزيز ( 5/3/ 2000 )
#حمدى_عبد_العزيز (هاشتاغ)
كيف تدعم-ين الحوار المتمدن واليسار والعلمانية
على الانترنت؟