شوف من زاويته هو

وهبه محمد نور الدين

الحوار المتمدن-العدد: 4544 - 2014 / 8 / 15 - 15:20
المحور: الفلسفة ,علم النفس , وعلم الاجتماع
    

سواق الميكروباص قدامه تاكسى ماشى ببطىء فى نص الشارع .. وعمال يديله فى كلاكسات
وبيقوله اتحرك .. وكلاكسات والناس فى الميكروباص مستاءة جدا من البطىء بتاعى سواق التاكسى
وفجأة خرج سواق التاكسى من الميكروباص وقاله على فكرة العربية عطلانة ومش ماشية وانا بسند فيها علشان اركن على جمب
اتفضل حضرتك عدى .. وبعد ماعدى سواق الميكروباص راح واقفله قدام .. وكأنه حس بالندم الشديد .. وهو وكل اللى فى الميكروباص قالوله .. تحب نجرك .. انت عاوز مساعدة .. وقعدوا يعتذروله ..
احيانا لما بتبقى شايف المشهد من زاويتك انت بس بتكون رد فعلا مختلف تماما .. ودا فى كل امور الحياة
تلاقى تبرير لنفسك وهى حيلة نفسية من ميكانيزمات الدفاع اللى بنستخدمها علشان نعفى نفسنا من المسئولية احيانا
فتبرر ليه انت كنت قاسى مع فلان .. او ليه انت سرقت فلان .. او ليه انت اتعصبت على والدك .. وفى كل مرة عندك سبب قد يكون تافه جدا لكن انت متمسك بيه قوى ومش فاهم ان اللاشعور قاعد بيخدعك علشان يخلى صورتك قدام نفسك حلوة ..
وعلى نفس المنوال تلاقى الحرامى بيبرر لنفسه السرقة .. والقاتل بيبرر الجريمة .. والحكومة بتبرر قمعها للشعب بانها خايفة على أمن الوطن .. والأب يبرر قمعه لأولاده بخوفه عليهم ..
سواق الميكروباص اللى فوق لو هو ماسمعش النص الاخر من الحقيقة من سواق التاكسى كان هيبقى سايق وبيلعن ويسب لسواق التاكسى .. فلو عاوز تخلص من التبرير والخداع اللى بيعملهولك .. حاول تسمع الأخر .. وحاول تفكر بصيغة ماذا لو كلامه حقيقي .. علشان بس ماتفضلش شايف نفسك .. الأب لو سمع صوت أولاده المقموعين بإنصات وبوعى يمكن يغير معاملته ..
الحرامى لو سمع معاناة الشخص اللى رايح يسرقه وانه عليه ديون وانه وانه .. وبوعى ممكن يتوقف عن السرقة
لكن الموضوع مش بالبساطة دى .. احيانا بردوا من الخداع النفسى ان عقلك بيخليك أصم .. تسمع ولا تعى او تفكر فيما يقال ..
حاول تشوف الزاوية التانية ..

#وهبه_محمد_نور_الدين (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات