انجازتنا وتميزنا نحن الشعوب العربيه

جان نصار

الحوار المتمدن-العدد: 4512 - 2014 / 7 / 14 - 14:42
المحور: كتابات ساخرة
    

امبارح كنت اشاهد مبارة المانيا الارجنتين على بطولة العالم انا وابني الاكبر . هو بشجع الالمان وانا الارجنتين وطول عمري بشجع الفريق الخاسر مع العلم ان الحقائق والواقع كلها في صالح الالمان بس نكيه وتحيز للشعوب اللي شوي بتشبهنا وكمان تغلب علي العواطف والاحاسيس والمواقف السياسيه زي زي معظم شعوبنا العربيه.
فجأه فكرت وقلت بصوت عالي يا ابني صدقني ان احنا الشعوب العربي ما متميز بشي وانجازاتنا صفر مكعب.
عندكم الرياضه مثلا كرةالقدم فرحنا على اساس وصول الجزائر للمونديال وكتبت موضوع عن انجازاتنا الرياضيه العربيه مع العلم ان نصف الفريق من الامازيغ ومع هيك دوله الارغواي 5مليون احسن من 500 مليون عربي في كرة القدم.وحتى السله والتنس والجمباز و و و .رغم كل ثروات الخليج وتاريخنا المصدي انجازاتنا الرياضه لا تذكر .واذا كان هناك انجازات فرديه للرياضه من بعض رياضينا بتلاقي بصمات اجنبيه في الموضوع والصحافه بتنزل مدح وكأنه انتصار غير وجه البشريه .
انجازات علميه او طبيه اورياضيه او حتى ثقافيه يادوب. فيش اشي بقدر الواحد يفتخر ويرفع راسه فيه.
العلوم الانسانيه والطبيه والفلسفه وعلم النفس والفضاء والاختراعات وو ما في انجاز يسجل باسم الشعوب العربيه غير وجه البشريه ويشار اليه بالبنات(البنان).
الكهربه التلفون التلفزيون قانون الجاذبيه النسبيه المواصلات الاله البخاريه السيارات الفضاء الانترنت وكل اشي اسمه تكنولوجيا المعلومات والتواصل كله الله وكيلكم ما النا احنا العرب فيه اشي وما بخصنا.
ممكن تكنولوجيا الطبخ والنفخ والاكل واللهط نسبق كل شعوب العالم.
عندكم رئيسة المانيا انجيلا ميريكل ب3ساعات تعقد مؤتمر للاتحاد الاروبي وبتحل بعض القضايا والست ام العبد 6ساعات بتلف ورق العنب وبتقور الكوسا وبتطبخ طبخة كوسا وورق مشان لهطها واكلها بعشر دقائق.
زي ما قال العالم المصري احمد زويل الحاصل على جائزة نوبل للكمياء بعمله في امريكا .عند العرب الانسان الناجح بعملوا كل الطرق مشان يفشلوه وفي الغرب الانسان الفاشل بعملوا كل الطرق مشان ينجحوه.
منيح يا سيد احمد انك نجحت بالغرب والا كنت اليوم بتبيع ترمس في بلادنا.
بيل غيتز اغنى اغنياء العالم عمل ثروته من العلم والكومبيوتر والبرامج والشبابيك(ويندوز)وبقولك انه سيوزع ثروته بعد مماته على الاعمال الخيريه والعلم والطب ويخلي لاولاده 4 او6 مليار دولار.
كارلوس سليم الثاني واحيانا الاول في الثراء على العالم المكسيكي العربي الاصل عمل ثروته من الخدمات والفساد والرشوه والاتصلات اللي اخترعوهاالاجانب وبقولك انا مش بابا نويل اوزع ثروتي على الفقراء والاعمال الخيريه.
بيل غيتز بتبرع 500مليون لمشروع طبي وخيري وما بطنطن واخونا كارلوس بتبرع ب20 مليون بخصمهم من الضريب وبطنطن.
هاي امثله ورن بافيت بتبرع كمان كل ثروته بعد موته للانجازات العلميه والوليد ابن طلال بفكر كيف ابن ابن ابنه يكون اغنى واحد بالعالم مشان يمجد اسمه.
ممكن حد يقولي اكم انجاز في برامج عالم الحاسوب والاتصالات للعرب واكم برنامج انجاز لليهود مثلا.اكيد كفتنا بترجح.
اذا كان الشعب المصري كل يوم في رمضان يصرف على الاكل اكثر من مليار جينيه كيف بقية شعوبنا الخلجيه يا ترى, والا همي غير بصرفوا اموالهم على الانجازات العلميه برمضان.
نحن وبلا فخر شعوب استهلاكيه تهتم ببطونها ونزواتها ولهيك ما عنا وقت فاضي نضوعه على الخزعبلات الطبيه والعلميه والانجازات طالما هناك من يعمل.. الحمدلله عنا فلوس منشتري ابو ابوهم.
اكثر شيئ بزعجني لما واحد بقولك كان عنا تاريخ وانجازات .عشان هيك انا بصنف نفسي اني عربي تمبل وشاطر بالحكي وانجازاتي الشخصيه صفر حافظ منزلي وبرضو مستهلك ومتفذلك .

#جان_نصار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات