7 اسئله للسيد رئيس الجمهوركيه حسنى كبارى ومعتقلات

محمد الشرقاوى

الحوار المتمدن-العدد: 1270 - 2005 / 7 / 29 - 09:55
المحور: اليسار , الديمقراطية والعلمانية في مصر والسودان
    

الى شارع صلاح سالم كانت وجهتى .. انطلقت احمل سلاحى وأمًنى نفسى بأن اخرج مما سألاقيه منتصراً ..
ترجلت بعد نزولى من اتوبيس نقل عام .. وقد بدا على وكاننى خارج من احدى الحروب وبالطبع اظن اننى كنت اقاتل فى سبيل الخروج من كومة من البشر الى خارجها حتى باب النزول او الصعود ..
بالفعل نزلت وذهبت الى وجهتى .. الى قصر العروبة حيث يسكن مغتصب مصر " حسنى مبارك "
اه نسيت ان أعلمكم اننى الوحيد من الصحفيين العاملين بمجال سب وشتم الرئيس - كما يحب الاصدقاء ان يطلقوا على المجموعه التى تعمل على ايضاح بعض الحقائق لمن يجهلها - الذى أختير ليقوم بمحاورة الرئيس فى 7 أسئله فقط يتم توجيهها للسيد الرئيس الفاقد لاى شرعية شعبية كانت او دستورية...
توجهت الى باب القصروبدأت الصدامات مبكراً فقد أصر الحرس بالخارج على تفتيشى ذاتياً .. ثم مصادرتهم اوراقى واموالى وكل ما كان بملابسى بالخارج وفوجئت بهم يقولون ستأخذ غيرهم بالداخل !!
قلت لنفسى .. مفيش مشاكل بس خلصونا .. ثم سالتهم : مكونش شايل معايا اسلحه مدوبها فى الورق؟؟ ولا يكون الحبر عباره عن متفجرات سايله ؟؟
للعلم كانوا فى البداية مع التفتيش وكل ما سبق وان كتبته يعاملوننى بكل احترام وما ان قلت ما قلته حتى وجدتهم يزيدون عدداً وبدأوا فى شدى وجذبى وقاموا بتعريتى من ملابسى ايضاً وسلمونى ملابس جديدة على ما تبدوا .. أمرونى بان لا انطق او اتحدث فى اى شئ والا مزقتنى رصاصه طائشة فى ميدان العتبه اثناء محاولتى اللحاق بالميعاد ..
تهديدهم ووعيدهم جاء بنتيجه طبيعية جداً .. فقد أصبت بالهلع الشديد .. ولبست ما قدموه لى من ملابس بسرعة بالغه .. وأخذت فى السير الى الداخل .. نسيت أن اقول لكم لان المرافقين لى كانوا حوالى 30 ظابط وكلهم يحملون اجهزة لم أراها يوماً على ارض الواقع.. وان كنت أراها فى افلام الخيال العلمى ..
أجتزت ممرات وطرق وما الى اخره ثم وجدتنى ادور وكأننى فى حلقة مفرغه من الطرق والانفاق الصغيرة والدائرية بعمق كما عمق سياسات حسنى مبارك تماماً ..
بعد حوالى 20 دقيقة وجدتنى وجهاً لوجه امام باب اخر مكتوب عليه ..
قف للتفتيش .. غير مسموح بتواجد اى فرد غير افراد المجموعه 44 .. طبعاً أنا لم اكن الى هذه اللحظة اعى أى شئ !!
بعد لحظات قاموا بادخالى من الباب وقد عصبوا عيناى وتم تفتيشى مرة اخرى ..
بعدها بقليل وجدت من يعطينى اوراقاً واقلام ويقول لى بان أغراضى "ان كانت مهمه " موجوده بالخارج ..
شكرته وانا أكاد افقد وعيى من الهلع المحاط انا بيه والغارق فيه انا ايضاً ..
انتظرت لحظات ثم جاء شخص ما الى وقال باننى سأقابل الرئيس بعد 24 دقيقة بالتمام والكمال ... رددت فى نفسى ساعتها " يعنى اللى صبر مصر 24 سنه مش هصبر 24 دقيقة " ..
بعد أنقضاء المدة تم ادخالى مكتب على ما اعتقد ونزعت الغمامه من على وجهى وقال لى الشخص الذى أعرفه بالتاكيد- فهو يظهر مع الرئيس فى كل شئ - معاك 7 أسئله مكتوبين وقدامك 14 دقيقة .. وتنهى المقابله ..
تظاهرت بالموافقه ثم قلت للرئيس :

أنا لو تسمحلى مش هسأل الاسئله المكتوبه !! انا هسأل اللى انا عايز أسأله ..!!!
لم يبد عليه اى علامات اللهم الا هز رأسه بالموافقه ..
بدأ الحوار .. وأقرأوه واعذرونى على لغته العاميه فقد هددونى اننى فى حالة الاضافه او التعديل او القص ستتم معاقبتى والتشهير بى ...
ولذا رأيت انه من المفيد لى ولكم أيضاً ان أنشر ما حدث ..

- فى البداية انا عايز أسألك عن اجمل حاجه قريتها لى او حاجه مأثره فيك ..؟

= شوف أنا اعرفك من قلة أدبك على النت , وانا شايف انك مش تستحق تقعد معايا بس .. انا حبيت اعرفك انت بتتعامل مش مع بشر عادى ..

- طبعاً طبعاً , شرف ليا صدقنى ..!!!!

= انا قريت لك حاجه كويسه بتقول .." هكذا هى وزارات نظام السيد الرئيس " مبارك" كلها .. ال 6 وزارات .. ليست أكثر من "حظيرة" تجمع بداخلها لصوص , خونه , عملاء .. وإن كان فيهم بعض الشرفاء فهذا يقع على سبيل الخطا .. وآجلاً أم عاجلاً سيصبح الشرفاء أما متسترين على المفسدين سواء كانوا لصوص يقتسموا معهم سرقاتهم أو خونه وعملاء ويقتسموا عمولاتهم ..

- طيب يا افندم .. أنا قريت تصريح لك عنيف شويه .. بتقول فيه حاجه عن الاخلاق وان مصر مفيهاش اخلاق .. وده صعب شوية .. مصر طول عمرها بلد أخلاق وشهادات .. بالاضافه انها بلد جنابك كمان ..!!!
= شوف يا ابنى .. مفيش حاجه اسمها اخلاق فى مصر .. مين اصلاً يقدر يجرؤ انه يقول كده ؟؟ ومين عاقل يقول بوجود الاخلاق فى بيئه الناس فيها عايشه عشان بطونها وجيوبها .. ناس مش بتفكر الا فى دلوقتى .. مش بيفكروا فى بعدين .. واذا فكروا فى بعدين مش بيفكروا طب وهيعملوا ايه فيه ..
أنا نجحت انى انسيهم كل حاجه .. وان كان على بتوع كفايه اللى انت منهم !! مش مشكلة انا هشوف ليهم صرفه وادينا بنجرب والاساليب مش بتخلص ..
- موضوع الانتخابات القادمه .. الناس بتطلب انها تكون انتخابات بالفعل وتكون حرة وديموقراطية وشفافه !!! .
=مين ده بقى اللى عايز انتخابات حره والكلام ده ؟؟
طيب انتخابات أزاى .. كده تبوظ الدنيا .. والناس تيجى تلبى دعوة التصويت على شئ معين .. وهما يبقوا أسمهم اللى اختاروا ..
وياخدوا على كده .. لأ لأ مينفعش اللى انت بتقوله .
طيب ولو وافقت على انتخابات , أزاى تبقى انتخابات ديمقراطية .. يعنى الناس تختار اللى هى عايزاه من غير ما اتدخل وافرض عليهم الاختيار ..
لا لا كلامك واضح انه مش معقول .. موضوع حره بقى والكلام ده .. فمينفعشى فى مصر ان يبقى فيه انتخابات حره .. مينفعش .. ارجعوا للتاريخ ..
موضوع انتخابات شفافه فانا لو وافقت فأكيد الشيوخ هيرفضوا لان هناك حديث شريف للشيخ سيد طنطاوى بيقول " الانتخابات لابد أن يتوافر فيها شرطين .. ان لا تصف ولا تشف .. تصف وشرحته ليك وتشف انها تكون شفافه يعنى .. تقول بنفسها وتعلن انها متزوره واظن ان مفيش حد يوافق بكده ..

-طيب واليسار يا ريس ؟؟

= شوف بقى .. يسار ويمين وكلام فاضى انا مش عايز , انا بس شايف انى لازم اسيبهم اهم ينفعوا اهدد امريكا واقولها النعره عندى تقدمية لو هى بتلوى ايدى ولا حاجه وكمان يضربوا فى الاسلاميين من ناحية تانية .. والاسلاميين يضربوا فيهم ..
فرق تسد يا ابنى .. لازم تعرف ان دى وسيلتى والقاعده الوحيده الى شغاله معايا بنجاح ...

-ويوسف والى .. لماذا لم تتم محاكمته الى الان ؟؟

= شوف يوسف والى بالذات حاجه تانيه خالص ..
الراجل كتر خيره .. طيب هقولك حاجه وانا راضى ذمتك .. موضوع انه بيساعد الصهاينه فى ابادة الشعب المصرى بسرعات متفاوته فده راجع لانه منهم .. زيهم واصوله كده .. وبقولك وانا راضى ذمتك .. لو اهلك امرووك بمصلحه ليهم هتقضيها ولا لأ ؟؟
شفت انت سكت ازاى ... ههههههه .. الراجل يا ابنى بدال ما السم يبقى حاجه باينه كده بيحطه فى قلب الفاكهه واظن انه يبقى عمل اللى محدش بيقدر يعمله من جهة يمتع المصريين الفقرا بارخص الاسعار باحلى الفواكه ومن جهة تانيه ننفذ تعليمات الجماعه . ولا انت ايه رايك ؟؟؟
وبعدين ده اسمه ابتكار مش قتل وتسميم وكلام الحنجوريين ده .. وكمان بقى انا خلاص مشيته وسافر هو باريس وبينى وبينك الواحد مكانش عارف يطلع ازاى من مزنق اتحط فيه بسبب موضوع تقديمه للمحاكمه .. انت عارف اصل انا لو سبته كبش فدا فانا رجلى ورجل العيله كلها مش بعيد تنقطع فى الموضوع ده .. ده يوسف والى مش اى حد
انت تعرف انه معاه وثائق تودي كل الوزرا وشوية مسئولين كبار السجن لو فيه قانون ..
.. عارف انا معتمد على البصمجية بتوعى بتوع مجلس الشعب .. وطبعاً هما هيصوتوا ضد اى قرار برفع الحصانه عنه او اى بوادر لمحاكمته .. انا كده مطمن اصل انت مش عارف هو تبع مين .. ..
دى اسرائيل .. دى امريكا .. المهم نرجع لموضوعنا السؤال الجاى .

-وجمال أبنك سيادة الرئيس ؟؟

= جمال بقى ده حكايه فى جملتين .. وصدقونى مش عشان أبنى .. انا شايف انه انسب واحد ييجى بعدى .. فهو واخد على كل
المجموعه الموجوده واللى انا بختار منهم الوزرا .. وكمان انا شايف انكم لو فضلتم تعارضوا انه يبقى هو خليفتى فأظن انتم اللى هتبقوا خسرانيين .. ده معاه اقتصاد مصر كلها وديونها الخارجية بتاعته هو والمحروس اخوه ربنا يحميه .. عبقرية اقتصاديه الواد علاء ده .. حاجه تشرح القلب .. ونرجع لموضوع جمال بقى فأظن انه بدمه الانجليزى النبيل فده هيسهل حاجات كتيره ليكم فى مزيد من التبعيه والتعاون مع ذيول الامبراطورية البريطانية .. وبعدين لازم تعرفوا ان كل اللى انتم عايشينه ده بفضل سياساته ومعاه الست والدته .. اوعوا تفتكروا انها سياساتى انا .. انا ماليش دعوه .. ادعولهم ياخدوا بالهم منكم كده علطول .. عايزين بقى نبقى من الدول اللى ليها كلمه .. فى المحافل الدوليه ..
وخلينا نشوف والايام بيننا .. صدقونى هتكسبوا كتير .. وجايز الولد ينجح انه يرجع مصر تانى تحت السياده البريطانية ونبقى زى ويلز واسكتلندا ونعيش بقى ويبقى المرتب باليورو بدال ماهو بالمصرى كده .

- سيادة الرئيس .. ما هى الصفة الدستورية لحرمكم المصون ؟؟

= شوف بقى الموضوعده موضوع شخصى بس أنا هرد عليه .. سوزان دى مناضله .. وانا بصراحه باخد رأيها فى كل حاجه .. وكمان هى رئيسة جمعيات اهليه كتير حكومية وغير حكومية وكمان جمعياتها هى الوحيده هى وجمعية جمال يحرسه ربنا اللى مسموح لهم انهم يتلقوا تبرعات مباشرة وبدون الدخول فى تعقيدات التمويل والكلام ده .. والست بتلف اللفه فى اوروبا واسيا ترجع لنا بشوية فلوس واهى نواه تسند الزير .. مش كده ولا ايه ؟؟
وكمان دى رئيسة المجلس القومى للمراه ... ههههههههههه عارف بضحك كل ما تيجى سيرة المجلس ده اصل انا اعرف واحد اسمه كمال خليل بتاع مركز الاشتراكيين ده بيقول فى المظاهرات .. مجلس مرأه صباح الخير ده انت رئيستك ملياردير .. لسه معرفش انها بقت ثروتها تعدت البليون دولار بشويتين تلاته ..
وكمان هى الوحيده اللى تقدر تفرض كلمتها على البيت الرئاسى كله .. وده لانها ست سماويه .. وشخصيتها قويه جداً .. مش بقدر ساعتها أقولها لأ ... وكمان انا بعتبرها بالفعل - وتستحق الست - المصرف الرسمى لمصر المحروسه والحاكم الفعلى وأنا مجرد متحدث رسمى ..
هات بقى أخر سؤال .

- المظاهرات الاخيره تحمل طلب تكرر كثيراً بالاضافه الى المطالبه برحيلك .. تطالب باقاله وزير الداخليه .. ما موقفكم سيادة الرئيس ؟؟

= شوف , الموضوع ده بسيط ومفيهوش كلام كتير ..
عايزنى أشيل حبيب العادلى ,, وماله معنديش اى مشكله بس هاتلى واحد زيه .. ينفذ الاوامر من غير ما يناقشها الا عشان يزود فى قوتها وشراستها .. هاتلى واحد يقوم باللى هو بيقوم بيه .. هاتلى واحد عنده صفة الوفاء والاخلاص - وانت عارف ان الصفات دى مش موجوده بصدق الا عند الكلاب ومش كل الكلاب - وانا بكره اشيله .
وعلى فكره فيه احمد همام وممكن ادفع بيه مكان حبيب وده ميفرقش عن ده .. بس المشكله انه مش متميز عنه كتير ..
انا كده خلصت .. وعايزك تعرف ان مكتبى وقصورى وأستراحاتى فيها تليفونات واتصل وابقى تعالى ومتقلقش هنحدد لك ميعاد بسرعه .

بعدها خرجت مسرعاً ولكن بعد ان ظللت معصوباة عيناى لمدة 5 ساعات واجلس على كرسى لا يتحرك ولكنى اشعر باشياء غريبه كصعوده ثم هبوطه ثم صعوده مرة اخرى .. الى ان فوجئت بشخص يقول لى بشارع صلاح سالم انا هوصلك وتخليك عالكرسى اللى بعجل ده لحد ما نوصل عند دار القوات الجوية وبعدها نروح شارع يوسف القاضى وتنزل هناك ومشوفش وشك .. مفهوم .. رددت مسرعاً .. اه اكيد ..
وذهبت وقمت بالنشر وبعد نشر الموضوع بسبع ساعات فقط فوجئت بمن يطرق على ظهرى وانا متوجه الى احد
المطاعم فوجدت خمسه يحملون ما لا استطيع وصفه وهم يتقدمون نحوى ويقولون : أتفضل معانا .. على مباحث امن الدوله - وبعد كده هنطلع على المخابرات ..
لنشرك أشياء حقيقية من الممكن ان تتسبب فى الانتقاص من هيبة الدولة .. ونشر أشياء صحيحه تماماً وغير ملفقة ولا نستطيع تكذيبها .. فهى حقائق .

#محمد_الشرقاوى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات