محمد جلاب البديري
الحوار المتمدن-العدد: 4466 - 2014 / 5 / 28 - 22:52
المحور:
الادب والفن
النص
..
أنت طير وياحلاته
من حضن عشّه بْوِفه
وسيل گطرات الثلج بهداي
لو جاهه الدفه
نبع ماي بعين نجمه
وبجرح دنياي بسمه
وانه ناطور أمحطات الغُرُب
بگليبي شوگ ولهفه
..
چنت أشوفك ماي دجله
يروي دنياي وهلي
والمطر ضحكاته غِنْوَه
وخضر روحي تصير إلي
چانت الفرحه بگُمرنه
والهوى جناح العشگنه
تالي لنّي بضيم غُربه
والحزن بيّه لِفَه
..
حلمي بعيونك ربيع
ودافي من ضي الشمس
أنت هلهوله بسماي
إطيوفهه زّفة عرس
شمحله جاري الماي غافي
چنّه حُبنه بفرح صافي
ياشمعتي كُبر جرحي
ولو لگيتك لحظه
يِشفه
وياحلاته من حِضن
عشّه بْوِفَه
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟