صلاح الداودي
الحوار المتمدن-العدد: 4452 - 2014 / 5 / 13 - 19:34
المحور:
الادب والفن
باش تعزف يا جْميل القلب
باش تعزف يا جْميل القلب
هكّة الذبحة في قلبي
قد فلوكة قد بحر
موجة تُضرب لرْمل لخرى تْحَتْحِتْ علحجر
باش تعزف يا جْميل القلب
هكة الشرخة في جنبي
قَد بْروق قَد أنهار
تقول تقطع في روس شجر
تقول نار ترضّع في حْطب
باش تعزف يا جْميل القلب
جايبها تركي إيراني
جايبها عْراقي عثماني
جايبها إسباني بلقاني
ناوي تهجّجها لقيامة
إنت أعجب ملعجب
باش تعزف يا جْميل القلب
دْرَى تجرّب فعجاز جديد
دْرَى انت اللّي كْتبت كْتبنا
وإلا عزفت أسرار الغيب
باش تعزف يا جميل القلب
#صلاح_الداودي (هاشتاغ)
كيف تدعم-ين الحوار المتمدن واليسار والعلمانية
على الانترنت؟