شيرين سباهي
الحوار المتمدن-العدد: 4450 - 2014 / 5 / 11 - 07:20
المحور:
الادب والفن
أدري بيك الي ماتحن ...
بس انا الك حنيت ...
بچيتك دنيا هموم ..
واخاف روحي ..من اللهفة تبجيها ..
أوصيك ...
واذا مرت روحي بيك .. فد يوم
دخليك سوي روحك
ابد ماتدري بيها ...
أچذب اعلى العين ... وبسد الجفن صورتك
أنا اغطيها ...
أخذ عطرك من كحل ليلي ...
وبجمرة النسيان روحي حيل چويها ...
من الطفولة وانا جمع حروفك اسمك ...
كطرات مطر صيف الم بيها ....
الوادم تغص بالزاد ..
وأنا بسيرتك اغص من الناس تطريها ...
بجدايل الفركة شديت ملح ..
الصبر ..هلبت الموت يذوب كافورك بيها ...
أعثر بصوتك ...من تحبي الريح
والذكريات بذاكرتي تغافلني و تبديها ..
#شيرين_سباهي (هاشتاغ)
كيف تدعم-ين الحوار المتمدن واليسار والعلمانية
على الانترنت؟