بس لا هذا .. الراح يصير ؟

عماد عبد اللطيف سالم
كاتب وباحث
(Imad A.salim)

الحوار المتمدن-العدد: 4438 - 2014 / 4 / 29 - 13:05
المحور: كتابات ساخرة
    

بس لا هذا .. الراح يصير ؟

قبل حلول " الصمت " الأنتخابي بدقائق ، إتصلتُ بصديقٍ قديم ، أعرفُ أنّهُ لايزالُ يعتقدُ بأن " الثورة الشعبية " وحدها ، هي الكفيلة بتخليصنا مما نحنُ فيه . وتوسلتُ إليه أن يؤمِنَ ، لآخر مرّة ، بالأنتخابات ، وبالتداول السلمي للسلطة ، وأن ينتخب المرشح الذي يريد من قائمةٍ حدّدتها له بالأسم . كان ردّ الصديق هو الآتي ، أنقلهُ لكم دون زيادة أو نقصان .. واللهُ المستعان :
الرد .. نصّاً :
[ شوف ُ" إبني " عماد ( طبعاً آني أكبر منّه ) .. باجر .. وعكَب باجر .. خطية إحنّة ، وخطية الأنتخابات مالتنا. راح يلعبون بيهه ، وبينا ، شاطي باطي .
مِن : ولكُمْ وين ننتخب ؟ .. لسباق المسافات الطويلة . ومن السباق .. لسجل الناخبين . ومِنْ : وين إسمي ؟ .. للبطاقة . ومن البطاقة .. لـ أجهزة الكشف عن بطاقة الناخب . ومن الأجهزة ، اللي راح نوكَف فجأة ، ومحّد يدري ليش .. للمحطات . ومن المحطات .. للمراكز . ومن المراكز للمفوضية . ومن المفوضية " المستقلة " ، اللي طبعاً متعرف تْعِدْ الأستمارات مال ولد الخايبة .. لـ العدّادات " النزيهة " . ومن اعادة العد والفرز والقص واللصِقْ .. لقادة الكتل . ومن قادة الكتل .. لفضائيات الكتل . ومن فضائيات الكتل .. لجماهير الكتل " المناضلة " .
وتبدي الأناشيد .. والهوسات .. والكل فايز .. والكل خسران .
وراهه منع التجول . وراهه مدري شيصير . وراهه إذا سألوك إلمن انتخبت .. راح تكَول ما أدري .
وراهه .. كلمن يحير بروحه !! .
هيجي أحسن ؟ مو كَلنالكم عمي منريد انتخابات .. كَلتو لا أشو نريد تغيير . وإذا مو تغيير .. نريد " نواة " تغيير ( عبالك هيه نخلة ) . ومو مهم عدد المقاعد ، المهم المشاركة ( عبالك هيه ألعاب أولمبية ) .
واليوم الكل تصيح بوجهي : عمي إنته متكَلي شبيك ؟ إنته ليش إنهزامي ، و سوداوي ، ومتردّد ، و" أقلية هائلة " .. وكلب إبن سطعش كلب .
خوش لعد . ألتغيير قادم .. وخوش تغيير .. وكلمن يحير بروحه .
آني اللي أهلي ما أدري وين ساكنين .. كَالولي : شوف يوَلْ .. بس تخلص الأنتخابات ، جيب عائلتك .. وتعال إختِلْ يَمْنَه . ]

#عماد_عبد_اللطيف_سالم (هاشتاغ)       Imad_A.salim#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات