من مذكرات انثي شرسة

ايمي صليب

الحوار المتمدن-العدد: 4403 - 2014 / 3 / 24 - 20:46
المحور: الادب والفن
    

من مذكرات انثي شرسة

( رسالة لكل مريض بالتحرش لفظا او فعلا )

تعالي قرب وريني شطارتك
وانا اغز السكينة ف كرشك
اتحرش يا شبيه الرجالة
وانا ادب صوابعي ف عنيك
وريني كدا ومد ايديك !
لو فاكر نفسك راجل
تبقي بجد اهبل وعبيط
ومش هقول انا زي اختك
ابدا ميشرفنيش ابقي اختك
ومتفتكرش اني هرجع اسكت
زي زمان و اخاف منك
او اخاف من كلام الناس
لا مبقاش يهمني خلاص
عرفت ازاي احمي نفسي
حقي ناوية اخده بإيديا
ومتفكرش اني ضعيفة
وتستهون بيا
صحيح انا انثي رقيقة
وجميلة ف طبعي واخلاقي
لكن بتحول ف دقيقة
لو فكرت ف خدش حيائي
اصل انا بت جدعة
ووقت الازمة بميت راجل
لكن طبعا مش من عينتك !
جرب وتعالي اتحرش بيا
بلفظ خارج او ايدك تتمد عليا
تعالي و ورينا شطارتك
وقتها مش هتلاقي كرامتك
وممكن اخليك تكره عيشتك
وتحلف بحياة البنت المصرية

#ايمي_صليب (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات