أبن عاق لوزير مخرف !!!

فالح العتابي

الحوار المتمدن-العدد: 4386 - 2014 / 3 / 7 - 17:03
المحور: كتابات ساخرة
    

أخلاق زز , وتربيه ماكو .. وأب أيروح فدوه للصخل .. بس مو صوجه , صوج الزمال اللي حطه وزير النقل .. صدكوني , هاي ما صايره ولا دايره .. وشكد عيب على هيجي حكومه طايح حظها .. تسمح لوزير مخرف أيصخم وجه العراق والعراقيين , من وره تربيه ناقصه .. والله هاي لو صايره بالصومال , جان ريس الحكومه يجبر وزير النقل على الاستقاله ..بس هادي العامري ما خذها بالعفتره, ومسوي نفسه صاحب فضل على العراقيين , وهو الفهيم والعبقري ,اللي الله سبحانه, أختاره من بين 33 مليون فطحل , حتى يلغف ملايين كاسر الامواج , ويدلل أبنه العاق في ملاهي بيروت .. وهم نرجع ونكول , هي ضارطه من فوك ..
وشكد جنت أتمنى لو تشوفون الجلب أبن الجلب , اللي ما يسوه ربع دينار .. خله سبعين راكب بحالة ذعر وأرتباك , لان سلطة مطار بغداد ما سمحت للطائره اللبنانيه بالهبوط .. وهذا اللي جانو أهله بأنتظاره , وهذا اللي عنده شغل .. كل هاي من وره شكولات زفره , جان سكران وسهران الليل بطوله بملهى في بيروت , ووصل مطار بيروت بعد أقلاع الطائره بربع ساعه ..
شوفو يا عراقيين , حطو كل هاي الشغله براس أبن الخايبه , معاون مدير مطار بغداد .. وأرسل نوري المالكي قوة لاعتقاله .. زين هذا أبن الخايبه شعليه .. هذا نفذ ما أمره وزيره ..يمكن أبو سراوي جان أحول بصغره .. أنت ليش تعتقل اللي نفذ الاوامر , روح صخم وجه اللي نطه الاوامر .. أنت تعرف يا أبو سراوي , اللي ما أينفذ أوامر العامري , وين أيروح .. هذا اللي أمه داعيه عليه .. صدكوني هذا العامري أنكس من صدام حسين بتصرفاته تجاه العراقيين .. وعنده سجن بالوزاره تحت الارض , وشلون شله تعبانه تمشي وراه وتحميه كلها جان عدها سوابق أجرام , وخاتله بأيران ..
ملاحظة : تستطيع عزيزي القارئ , أن تتعرف على جهرة أبن الوزير العاق , في كتابات .. ألا أني أنصحكم , بعدم مشاهدة صورته , ذلك أنه لا يستحق منكم , ألا البصق عليه وعلى اللي خلفوه ..

#فالح_العتابي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات