سَيّد مَبْروكْ اشبَقيَتْ

ميسون نعيم الرومي

الحوار المتمدن-العدد: 4374 - 2014 / 2 / 23 - 02:41
المحور: الادب والفن
    

شـنـْهـي اتـْسـَويـه لو ضليـَـت – سـَـيـّـد مـَـبـْروكْ اشـبـَـقـيـتْ
يـا المـاشـي البـَغـْدادْ اشـْبـَعْ نـوحْ
يأ شـَــعـْـبْ المـَـليـانْ اجــروحْ
رخـْصـَتْ ذ َلـّـتْ بـيـه الروحْ
هـالمـوتْ امـْچـَورْ بالبـيـتْ - سـَـيـّـد مـَبـْروكْ اشـْسـَويــتْ
*****
طـارْ الخـَــــلْ امـنْ البـَصـرَه
إسـْـنـيـنْ العـَـدَتْ مـَرَّتْ عـَشـْرَه
چـانـَتْ عِـسـْره اوصارَتْ حـَسـْرَه
يـَعـْراق الخـيـَر انـْـذليـَـتْ - سـَــيـّد مـَبـْروكْ اشـْخـَـليــتْ
*****
شـنـْهـي الصارْ ابـثــَمـنْ اسـْنـيـنْ
نـبـچـي .. اونـلطـــمْ عَ الخـَـديـــنْ
عـَطـْـشـانـيـنْ اوجـوعـانـيـــنْ
فـَرَّقـتْ الشـَعـبْ اومـا سـاويـتْ - گـلي سـيـدْنـَه اشـبـَـقـيـتْ
*****
خـَلـْنـَه انـجـَـدّي عَ الأبـوابْ
افـْـلوسْ انـْـلمـْهـَه للنـوابْ
راتـبـْهـَه اگـلـَيـلْ لحـْبـابْ
جـوعـانـَه اوهـالجـْمـتْ بـيـتْ – سـَيـّد مـَبـْروكْ اشـبـَـقـيـتْ
*****
بـالدَمـْعـَه تـشـرَبْ أيـتـامْ
ازْبـالـَه اوتـفـْرشْ بـيـهـَه اتـْنـامْ
خـافـوْ امـنْ الله يـا ظـلامْ
وين اتضم المـليـاراتْ - سـَيـّد مـَبـْروكْ اشـْسـَويـتْ
*****
لاعـبْ لعـبْ زوجْ اوفـَردْ
مـاردْ بـَلـَدْنـَــه خـو مـَردْ
مـَليـنـَه واشـبـَعـْـنـَه دَردْ
تـذكـرْ گــَبـلْ.. ليـَشْ انـسـيـتْ ؟ - سـَيـّد مـَبـْروكْ اشـْخـَليـتْ
*****
ابـهـذا الشـَعـَـبْ واتـلعـْبـون
حـكـامْ اشـبـيـكـمْ تـنـْسـونْ ؟
حـفـْرَة صـَدّامْ .. اتـْذكـرونْ ؟
مـا يـنـْفـَعْ نـَـدَمْ .. لا يـاريـتْ – گـلي سـيـدْنـَه اشسـويـتْ
*****
هـذا الوَطـَنْ مـالـَه سـَـنـَـدْ
سـُـراقْ هـجـْمـَوْ هـالبـَـلــَدْ
كـُـلهـمْ بـَلاوي ابـلا عـَــدَدْ
تـتـْعـَبْ .. تــمـلْ لوعـَـدْيـتْ – سـَيـّد مـَبـْروكْ اشـبـَقـيـتْ
*****
يـا شـَـعـب العراق المنحرم
إنـْـتـخـــبْ نـايــــبْ مـلتـزمْ
والأحـْسـَـنْ .. العـدْهـمْ عِـلـمْ
ضيـَمـَكْ تـنـْساه والعـانـيـتْ – گـلي سـيـدْنـَه اشسـويـتْ
*****
احـسـبْ يـا خـويـَه احـْسـابـاتْ
امـنْ الأسـم اتـْأكــَـدْ مـَراتْ
زيـَنْ النـخـْـتـارْ اوزيـَنـاتْ
أحـْذ َرْ !! المـنـْهـمْ وَنـيـتْ – سـَيـّد مـَبـْروكْ اشـبـَقـيـتْ
شـنـْهـي اتـْسـَويـه لو ضليـَت ؟
*****
شباط / 2014
ســـــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات