ايمي صليب
الحوار المتمدن-العدد: 4250 - 2013 / 10 / 19 - 10:31
المحور:
الادب والفن
طول عمرها الدنيا كدا
فيها الفرح زي ماالحزن فيها
وفينا اللي بيقف ع الواحدة
وكمان فيه اللي بيعديها
متشلهاش فوق راسك
امشي بخفة ودوس عليها
ومش بكتر الفلوس بنعيش
ياما ناس معاها وياريت مكفيها
وان حبت تغيظ فيك
خليك جدع و طلع عنيها
وان قلبت وشها وبوذت
اعدل انت وشك و اديها
الدنيا دي ولا حاجة
متعملش حساب ليها
دي حبة بخار حبة هوا
اعمل نفسك ناسيها
متجريش وراها وسيبها
هي هتجري وراك
اضحك لها واضحك عليها
حياتك ملكك وحدك
عيشها و استمتع بيها
اسرق لحظات السعادة
ودموعك م الناس خبيها
عيش الاوقات الحلوة
هتبقي ليك ذكري وتحن ليها
emiiii
#ايمي_صليب (هاشتاغ)
كيف تدعم-ين الحوار المتمدن واليسار والعلمانية
على الانترنت؟