حايِط انْصَيِّصْ

ميسون نعيم الرومي

الحوار المتمدن-العدد: 4248 - 2013 / 10 / 17 - 23:55
المحور: الادب والفن
    

حـــايــِط انـْصَــيــِّـصْ
ميسون نعيم الرّومي

بـالماي دومـَـكْ واتــْغـصْ – حايــِط ْصِـرتْ وانـْصَيــِصْ
شـَعـَبـْـنـَه خــانـَـه الــْنـُوبچـي
أَخـرَسْ اونـاسي كـُـلْ حـَچـْي
صـارَتْ حـَيـاتـَه بـَسْ بـَچـي
باللگــْمـَه يـبـلـع وايـْـغـِصْ – حايــِط ْصِـرتْ وانـْصَيـّصْ
---------------------
شـَعـَبـْـنـَه ضـايـعْ صــوتـَـه
الضـيـَـمْ صــايـرْ قــوتــَـه
عـايــشْ اونـاطـِرْ مـوتـَــه
عـيـشـَة قـَهـَرْ نـُصْ .. اونـُصْ - بـالماي دومـَـكْ واتــْغـُصْ
------------------
عَ الكــَهـْرَبـَه لــَـتـسـألونْ
يـومْ اويـِجـْي اوتـِنـَـتـْـلونْ
خـايـِـفْ يـَرَبـْعـي اتـْمـوتـونْ
هـاذي حياة اوتخلص؟ – حايــِط ْصِـرتْ وانـْصَيـّصْ
------------------
كـُل صـَبـُرْ من عـدنـَه اومـَـلْ
امـراضْـنـه بــــيـنـَه اتـعـِـلْ
مَـسـْـلولْ واحـِدنـَــه ابـْسـِـــلْ
والمَرضْ عـَمْ اوما خـَصْ - بـالماي دومـَـكْ واتـْغـصْ
-------------------
نـُرْكــُض اونـِرْجـَعْ لـــيـوَرَه
چــانـَــتْ وعـودَه سـَمـْسـَـرَه
دولـَتـْـنـَـه صارَتْ قــَـشـْمـَرَه
للعـِلـّه يـَمـْـتـَه انـْشـَخِّصْ – حايــِط ْصِـرتْ وانـْصَيـّصْ
-------------------
نـِهـْبـوكْ يـاخـيــرْ الشـَعـَــبْ
كـَسـْــرْ ابـْجـَمـِعْ تـــاه الدَرُبْ
ضـاعْ الوَطـَن صـِرْنـَه غـُرُبْ
اجناحْ الـعِـراقي امْگــَصْگــَصْ - بـالماي دومـَـكْ واتـْغـُصْ
-------------------
مـَيِّ المـَجـاريْ اتـْـشـربـونْ
ابـْماي المـُطـَر واتـْغـِسـْـلونْ
گـِعـدوْ بـَعـَدْ لـــَتــْحـِلــْمـونْ
والنـامْ ماضـنْ مـُخـْـلصْ – حايــِط ْصِـرتْ وانـْصَيـّصْ
-----------------
بوگْ اونـَهـِبْ سـَنـْطـاوي
فـَرْفـِشْ واكـُـلْ سـَـكـْـتـاوي
بـَطـْـنـَه شـَعـَبـْـنـَه خـاويْ
كـُلْ وَجـْبـَه اوياكـُلْ بالنـصْ - بـالماي دومـَـكْ واتـْغـُصْ
-----------------
اويــلاخ ْعـَبــّـوســــــــــي
ابـنـوگ انـْمـِلــَتْ بــِـفـلوسي
شـَـبـْعـَت امريـكــَه اوروسي
ضيـَمْ النـَـفـْط مايــِخـْـلــَصْ– حايــِط ْصِـرتْ وانـْصَيـّصْ
------------------
مانـِـبـْـنـي بـَـس انـْـفـَـلـِشْ
نـِكـتـِبْ عـَـقـِدْ وانـْطـَنِـشْ
نـِـبـْـنـي البـَـلـَدْ بالمـِشـْمـِشْ
كـُـلْ يـومْ يـُحـْـكـُـمْ فـَدْ لـِصْ- بـالماي دومـَـكْ واتـْغـُصْ
----------------
كـُـلْ يـومْ صايـِرْ تـَـفـْجـيـرْ
الشـَـعـْبْ مـدمي ..اوبالـقـيـرْ
ماعِـنــْده الحاكـِـم تـَـقــْصيـرْ
دَمْ الفـَـقـيـرْ اليـِـرْخـَصْ – حايــِط ْصِـرتْ وانـْصَيـّصْ
------------------

اكتوبر / 2013
ســـــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات