لكي تطمئنوا

لينا سعيد موللا

الحوار المتمدن-العدد: 4239 - 2013 / 10 / 8 - 17:39
المحور: كتابات ساخرة
    

جل رفعت الأسد يتحدث :

خرج علينا إبن رفعت الأسد مشكوراً ليطمئننا ويخفف من غلوائنا ..


أبي بحالة صحية جيدة

أفضل وبكثير من حالة أبناء معضمية الشام

يأكل الوجبات الثلاث بانتظام
ويشرب الحليب
ويتناول الكافيار، والقريدس، ممنوع من بعض الأطعمة يا حرام .. بس بيمرق شوي هالهس ..
و كل أدويته متوفرة ويتناولها في مواعيدها

يا سلام

بس هدول المغرضين الأشرار مو تاركينو من شرهن .

تخيلوا ..
يشككون في مصادر ثروة والدي المحسن رفعت الأسد ..
الأوغاد ..
ضايقة عينن
كل واحد منهن لهط المليارات

أبي ترك الخدمة من 30 سنة ولهلأ بيقولوا أنو هي كلها مصاري الشعب السوري .

طيب بفرض هالكلام كان صحيح، وأنا بأكدلكن أنو مو هيك
يا جماعة المصاري كانوا خلصوا ..

أبي مصاريفو كتيرة ..
ولروقلكن بالكن نحنا مو بعينا أبداً

لك نحنا عايشين على المساعدات من الأوادم والقبضايات
هدول بيشجعوا رفعت لأنو قائد معارض، بيقدرووووه ..

مو متل المعارضة الحالية
شراشيح ومتسولين

لأنهن ما حسبوها صح
المعارض لازم يطلع من البلد ماكن
يعني يكون مع النظام وبعدين ينقلب، وبجيبتو قرشين مرتين

وما بيعود مقطعة للي رايح واللي جاي
شوفوهن يا حرام متل المشردين من فندق لفندق

أبي حسبها صح
نحنا اشترينا أحسن أوتيل بفرنسا، حتى ما نتشحوط ونتمرمط ..

وهلأ وقت ما عاد ألو لزوم وصار عنا بيوت وقصور ما بتاكلها النيران، عارضينو للبيع ..

لك نحنا لمعلوماتكن .. عنا أربعين شقة بحارة باريسية وحدة
وهي كلها للضيوف
وللمحبين الكتار ..

بس وميشان ما ياخدو وج ويكترو
نحنا بنأجرهن ياها تأجير، يعني بالسعر الرائج للسوق ..

اليوم الأوتيل
عارضينو للبيع
وإذا بتلاقو شرا مدسم
ألكن عمولة وقرشين حلوين
بدنا في 100 مليون يورو .. أقل من هيك ما بتوفي معنا، والله الشهيد !!

هذا ما قاله لنا هذا الفهلوي ..


ولنتذكر معاً عل الذكرى تنفع الأوادم اللي متلكن ..

أن رفعت كان كان يسجن أحد ضباطه وبعذبه وبعد عشرة أيام يخرجه من السجن ممرمطاً ليرفعه إلى رتبة أعلى أو يسلمه سيارة جديدة .
وكان معروفاً بساديته وأنانيته .
وهو الذي سرق أغلب آثارات البلد، وكان متعهداً لمزارع الحشيش في البقاع اللبناني، ويملك باخرتين لتقطير الحشيش يدران له مليار دولار سنوياً ..
وهو مع باقي العصابة من دمر حماة وارتكب مجزرة تعتبر عار على جبين الانسانية، وقتل ألف سجين في تدمر بدم بارد، وهو اليوم يعلمنا الفهلوية ..
هو ذاته الذي اشترط على أخيه و لبيع حصته من المزرعة (( السوري )) مبلغاً هائلاً لم يكن موجوداً للأسف في البنك المركزي، فاضطر المحسن الراحل القذافي بأن يعطيه إياه من حر ماله .

ولو كان المبلغ متوفر لما تهاون حافظ الأسد الكريم والسخي ، بس يومتها كانت الأوضاع مزنوقة شوي، ولا تفهموها قضية بخل أبداً .

بس بحب طمنكن اللي خلف ما مات
ماهر الأسد طالع لعمو
كمان بيجيب ضباطو وبيعذبهن عذاب القبور، وبعد ما يشوفو الذل بأشكاله العشرين (( وبطمنكن هنن بالأصل بلا كرامة )) يرمي لهم مبلغ عشرة آلاف دولار، أو مبلغ يتناسب مع عذاباتهن وقت كانوا بضيافتو وحفاوتو ، ليقول لهم الجملة التي ينتظروها طوال إقامتهم :

انقلع من خلقتي يا كلب .
بس بيكون بيجيبتهن مبلغ بينسي عذابات السجن وحتى عذابات القبر ..
جملة تعني التقدير بس بأسلوب آل الأسد المليئين بالرقة والحنية ..

وفي عودة لرفعت وابنه المهذب و الفتح .

نقول ليس حسداً ولا ديقة عين
هالمصاري بدها ترجع لصحابها
وصحابها هنن الشعب اللي اليوم عم بيدور على لقمة الأكل ومعدتو فاضية ومشرد بالبراري والقفار، بعد ما خسر البيت اللي حيلتو وكان عم يئويه ، وحتى لو كان محظوظ وعندو هالبيت فبلا كهربا ولا مي ومقطوع عن الدنيا وتحت رحمة القصف والموت يومياً ..

هاد الشعب بدو حقو وبدو يجيبو ولو كان جوات تم الضبع وما قلت السبع لأنوا كرهونا السباع..

مرة تانية بلا حسد يا رفعت وكل العيلة الأوادم وشلتهن
نحنا بدنا المصاري ولكل حادث حديث .

قادمون

لينا موللا
صوت من أصوات الثورة السورية

#لينا_سعيد_موللا (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات