فتاة صغيرة فضحت باباها الاخوانى فى الميكروباص

بطرس رشدى جندى

الحوار المتمدن-العدد: 4230 - 2013 / 9 / 29 - 22:22
المحور: كتابات ساخرة
    

شاب بيحكى موقف حصل معاه فى الميكروباص ... بيقول راكبين الميكروباص ..وفى واحد معاه بنته الصغيره ..وقفنا عند كمين جيش ..المهم باب العربيه اتفتح ..وهل علينا الظابط مره واحده ... لقيت البنت الصغيره بتقول لابوها :
بابا ... سيسى كلب اهو يا بابا "بتشاور على الظابط"

انا بصيت للبنت ..الظابط بص للبنت .. ابوها نزلها من على رجله وفضل يبصلها ..العربيه كلها بتبص للبنت !!!

ابوها قلها : ياحبيبتى لا . ده جيشنا جيش بلدنا ..تسلم الايادى يا هاجر .. غنى لعمو يا حبيبتى تسلم الايادى

قالتله :لا يا بابا مش حفظاها ..انا حافظه "تتشل الايادى" اللى انت بتسمعهالى
انا اتخضيت .. والظابط ركز مع البنت .. وابوها بقى هاين عليه يلطم .. والعربيه كلها مركزه
البنت خدت بالها ان الظابط مركز معاها .. قالتله بكل تلقائيه :
لو بتغيظك رابعه .. طب رابعه رابعه رابعه

ابو البنت فى محاوله بائسه للنجاه : يا هاجر انا مش قولتلك متقعديش مع خالو احمد كتير
ووجهه نظره للظابط وقاله :انت عارف العيال بتحب تردد الكلام
العربيه كلها ضحكت فى نفس الوقت ... شاف بطاقة كل واحد فينا ومشينا

الاب بعد ما مشينا بيقول لبنته :جدعه يا هاجر
قولتله : دلوقتى بتقولها جدعه .. ده انت كنت من شويه مرعوب وعاوز تحدفها من الشباك عشان فضحتك

#بطرس_رشدى_جندى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات