(+18)

فرح محمد

الحوار المتمدن-العدد: 4226 - 2013 / 9 / 25 - 19:40
المحور: ملف فكري وسياسي واجتماعي لمناهضة العنف ضد المرأة
    

لما الرجل بيختار زوجه أول حاجه بتلفت نظرهُ جسمها وشكلهُ وقوامهُ عامل ازاي, ويبدأ يتخيل شكل العلاقه الجنسيه هَتكون ازاي وده بيحصل من الغالبيه ان لم يكُن جميعهم
لكن المرأه لو فكرت وتخيلّت شكل العلاقه هَيكون ازاي أو حتي اتكلمت بتبقي مَنبوذة لِأن طبعا ازاي هي تتكلم في كلام عيب ومَيصحش ومش من حقها كمان هي يَدوب مُستقبِل وخلاص أو زَي مَ بنسمع هذه الكلمه (مُجرد وعاء فقط)
بعض الرجال بيفتكروا ان ده شئ مش سوي لو زوجته اتكلمت وباحتّ بما يجول في خاطرها
برغم انه ممكن يكون حابب استعدادها وكلامها عن الموضوع لكن بحكم ازدواجيتهُ يبدأ يدخل في صراع ما بين ازاي هي بتقول وبتطلب وبتتكلم كده وفي نفس الوقت هو مُستمتع بالحديث .

هلّ ده ناتج من التربيه الغلط ولّا ناتج من ان المُجتمع بعاداتهُ الفَجّه أعطيَ لِلرجل حق ان هو فقط اللي يقودّ الدّفه في العلاقه الحميميه .
ايضا التربيه في مُجتمعنا فيها خلل كبير يعني لمّا تيجي البنت وتتكلم مع امها في الموضوع ده وخاصه لما بيقترب موعد زواجها بتلاقي الأم مُرتبكه بعض الشئ وأقصي ما عندها من قَول اسمعي كلامه واعملّي اللي يطلبهُ منك أو قَول اخر وده شائع جدا (ازاي تتكلمي في الكلام ده وقِلّهً الادب دي مين بتقعدي معاه ويفتحّ عينك عالكلام ده) ^^

#علي فِكرة ومن الأخر
المرأه من حقها انها تتكلم وتقول وتُطلب وتتبادل الحديث في الموضوع ده مع زوجها لِان العلاقه مُشتركه بين الإتنين و زَي مَ هو بيتخيل أو بيتمني شكل العلاقه هَيكون ازاي وخاصه بقي لو من نوع الشباب اللي بيتفرج علي افلام بورنو أو بيتابع الصفحات إيّاها بيكون عاوز نفس اللي شافهُ بالحرّف ولو مَحصلش طبعا الكلام الشائع بيكون (دي سِت باردة او مَعندهاش احساس)
يعني الرجل عاوز يعيش نفس اللي هو جرّبه ومش مهم بقي الطرف الاخر هَيحس إيه أو عاوز إيه علي الرغم ان الافلام حاجه والواقع حاجه تانيه خالص .

ومش معني انها بتتكلم تبقي واحده مش تمام او عملت حاجات شِمال او انها امرأه تتميز بالشرّهَّ الجنسي ده أمر طبيعي ومش عيب ومش حرام (طبعا المقصود بين الازواج)
العيب ان كل واحد يُسكت عن حقهُ الطبيعي في الحياه /ان المُجتمع يحرّم علي المرأه انها تتعامل بشكل طبيعي مع الزوج اللي عايش معاها /انها تكون مُستقبلّ فقط ....إلخ

نِسب الطلاق بتزيد مش عشان الظروف الاقتصاديه عشان فشل العلاقات الحميميه بين الزوجين ( بصرف النظر انهم اتجوزوا عن حُب او بدون )
عشان ناتج التربيه الغلط من البدايه عشان عيب وحرام ومش من الأصول تتكلّم وتوعّي وتربي في ابنك/بنتك انهم يتعاملوا مع جسمهم بشكل طبيعي ويفهموا امتي وازاي وليه وعن ايه وكافهً علامات الإستفهام اللي كتير من الأهالي بيقفلّوا عليها بالقِفلّ في صندوق من خَرّف عقلي عاوزين يزرعوهُ في الأطفال بحجهً الحرج والعيب .
ده غير العلامه المشهورة +18 اللي بتعبرّ عن جهل بَحتّ في التربيه (ال يعني ده اللِ هَيمنعّ اصحاب الفضول انهم يشوفوا ايه ده)
أفقّ أيُها المُجتمع إكتفينا خَرّف وجهلّ..

#فرح_محمد

ملحوظه: مَكُنتش عارفه أضع عنوان للمقاله وضعت (+18) كَنوع من السُخريه والسَخطّ عالمُجتمع ليسَّ إلّا
ولَكن المقاله مُتاحه لِكل الأعمار :)

#فرح_محمد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات