فَلَكْ دنْياكْ

ميسون نعيم الرومي

الحوار المتمدن-العدد: 4207 - 2013 / 9 / 6 - 19:12
المحور: الادب والفن
    

فـَـلـَـــكْ دنــْـــيـاكْ
مـيســـون نـعيـم الـْرّومي

يـَحـافـِرْ البـيـرْ لـَتــْغـَمجْ مـسـاحـيـهه – خـافْ الفـَلَـكْ يـنـْدارْ وانـْتَ تگعْ بـيهـَه
يـَالگـاعـِد بـالمـَجـْـلِسْ حـِسّ
تـُكـرُفْ (دولار) اتـكـَـدّسْ
للـتـاريـخْ إقـْــرَه اوْادرِسْ
چـَمْ نـوبـَه انـگـلـَبْ عـاليـهـَه واطـيـهـَه - يـَحـافـِرْ البـيـرْ لـَتــْغـَمجْ مـسـاحـيـهَه
------------------
دولابْ اوبـالـْـدنـْيـَه ايـدورْ
يـِهـْدمْ دور ايـعـَلـّي.. سـورْ
تـاريـخْ..ابـْمـَزْبـَلـْتـَه اكـْشـور
هالنـاسْ الطـمـَعْ كـُلْ وَكـِتْ عـامـيـهـَه - خـافْ الفـَلَكْ يـنـْدارْ وانـْتَ تگـَعْ بـيهـَه
-----------------
عـمـرْ اگـصـَيـِّـرْ واشـْمـاطـالْ
بـيـــه الخـَـيـِّـرْ والـــْدَجـالْ
گـَبـْلـَكْ تـِلـْگـَه اهـواي امـْثـالْ
فـَلـَكْ دنـْيـاكْ..لـَتـْصـَدگ تـِلاويـهـَه - يـَحـافـِرْ البـيـرْ لـَتــْغـَمجْ مـسـاحـيـهه
------------------
مـاكـوْ حـَيْ بـالدنـيـَه ايـدومْ
قـانون اوثابـت ... معـلــُـوم
ظالـِمْ وايـصـَيـّحْ..مـَظـْلـومْ
ياظـُلمْ البـَشـَرْ للبـَشـَرْ يـِسـْبـيـهـَه - خـافْ الفـَلَكْ يـنـْدارْ وانـْتَ تگـَعْ بـيهـَه
----------------
صـيـادْ..اوماعـِنـْدَكْ شـصْ
لـُـگـْمـَه التـكـبـَرْ بـيـهـَه اتـغـُصْ
إطـّعـُـمْ غـيـَرَكْ مـِـنــْهـَه النــُـصْ
بـوَّلـْهـَه تـغـصْ..تـِبـْـلـَعْ ابـْتـاليـهـَه - يـَحـافـِرْ البـيـرْ لـَتــْغـَمجْ مـسـاحـيـهه
------------------
حـُكـامْ..اشـْبـيـكـُمْ تـِطـْغـونْ
باچـِرْ لو عـُگـْبـَه اتـوَدْعـونْ
كـُـرْسـي..الـخلاّكـُمْ تـنـسـونْ
أَولْ من بـِچـَه..يـِضـْحـَكْ ابـتـاليـهـَه - خـافْ الفـَلَكْ يـنـْدارْ وانـْتَ تگـَعْ بـيهـَه
----------------
شـِفـْتـوْ الحـاكـِمْ حـُكـمـَه اودامْ ؟
راوَتــْـنـَه اهـوايـَه الأيـــامْ
حـَجـاجْ.. ارهـاب او..صـَدّامْ
قـانـونْ اوشـَرايــِعْ ويـَنْ نـِلگـيـهـَه - يـَحـافـِرْ البـيـرْ لـَتــْغـَمجْ مـسـاحـيـهه
------------------
بـَـلوَه اويــبـْـلانـَه المـَلعـونْ
دهـرك لـتـصدَّگ مـأمـونْ
الــْمـؤمـِنْ لازمْ مـَـيـْــخـونْ
خـايـِنْهه الأمـانـَه..اشـلونْ يـِنـْطـيـهـَه؟ - خـافْ الفـَلَكْ يـنـْدارْ وانـْتَ تگـَعْ بـيهـَه
------------------
يـِنـْصـَحْ بـالغـيـَرْ..ايـنـَظـّر
ابـْشـَعـْبـَه..اسـتـادْ ايـهـَجـِرْ
يــايــومْ الـْـفـلـَّــش عـَـــمـَّــرْ ؟؟؟
بـَغـْداد الهـِدَمـْهـَه.. اشـلون يـبـْنـيـهـَه - يـَحـافـِرْ البـيـرْ لـَتــْغـَمجْ مـسـاحـيـهه
------------------
يــــــومْ اوإلـَــكْ يـاظـالـِمْ
والـشـَعـَـبْ مـاظـن نـايـِمْ
حـُكـُــمْ الــبـَطِــش مو دايـم
يـاسـُلـطـَه البـقـَتْ حـَتى انـت تـِحـويـهـَه - خـافْ الفـَلـَكْ يـنـْدارْ وانـْتَ تـگـَعْ بـيهـَه
------------------
عمان
أيلول / 2013

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات