محمد جلاب البديري
الحوار المتمدن-العدد: 4202 - 2013 / 9 / 1 - 11:59
المحور:
الادب والفن
دولبني زماني وحيّل تعّبني
أخذني المدري وين وتايه العنوان
وصرِت متلولح بحزني الشِبگ ونّي
ولملمهه المصايب سجن وي سجّان
حِرِت وين أنطي وجهي وهمّي صفّني
كل صفنه التِمُرني أشكال ولوان
ورافگني الشِحيح أحمول حمّلني
عذاب بنص عذاب وضيم وحزان
گبل چانت الديره بروح تحملني
هسّه الديره تاهة والنهر عطشان
بس روحي بطبعهه وعايش بذنّي
وي ريحة هلي وگهْوَتْنه والفنجان
بعد ملّگه المضايف نابت بسنّي
ملحهه وزادهه وعِشگ الخبز ديوان
يامحله العِشگ طرواه من مرنّي
وذب روحي بهواكم ياطعم بستان
....
..
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟