الله يتكفل بمواليدكم

جان نصار

الحوار المتمدن-العدد: 4188 - 2013 / 8 / 18 - 19:10
المحور: كتابات ساخرة
    

انجاب الاولاد والتكاثر والاخصاب والتفريخ والزياده العدديه بعدد المواليد هي من انجازاتنا الثوريه نحن الشعوب العربيه والاسلاميه والزياده الديمغرافيه هي احدى انجح الوسائل التي ستجعلنا ننتصر على الغرب والشرق واذا لزم الجنوب والشمال يعني راح نسيطر على العالم وما راح نخلي حد من شرنا.
تحديد النسل والاكتفاء بالقليل غير وارد يعني اذا كان عدد المواليد اكثر من عدد اصابع اليد اليمنى واليسرى واصابع الاقدام ما في مانع.اذا كنا فقراء عقل وحيله كمان مش مهم ,الجهل نعمه ولا يعيق الانجاب ,المسكن اللائق غير ضروري ,التعليم شو راح يفيد ,المستوى المعيشي هينا كلنا عايشين ومستوره.
السؤال على شو معتمدين؟ الجواب بسيط جدا على الله هو المسؤول عن كل الامور لانه كل مولود بتيجي معاه رزقته, واللي بوقع من السما بستلقاه الارض وكله على الله.بالمختصر الله ر اح يعلم الاولاد وراح يتكفل بمصروف المدارس والسكن والملبس وراح يبعت الجميع على افخم الجامعات وراح يطلع جيل مثقف وواعي وملتزم بقضاياه الوطنيه والدينيه. يعني سوبر الله سيكون ناني وكفيل وراعي لكل ابنائنا ولهيك تسطيعون الانجاب بقدر المستطاع وطالما نسأكم ولادات حتى اخر نفس سيروا عين الله عليكو واذا زوجه واحده لاتكفي فمثنى وثلاث ورباع كمان وارد وهاي حلال.
اذا كان الله هذه الايام مشغول في حل النزعات والخلافات والاقتتال في وطننا العربي فنحن عازرينه ونقدر الظروف اللي عنده ,ما هو بالاصل احنا على هذه الحال اكثر من 1000 سنه شو راح يسير لو انتظرنا اكم عقد قادمين.وبصراحه الله يساعده ل الله على كم المشاكل اللي احنا كنا السبب فيها.
يعني شحاده او شحاد يتسولوا بالشوارع وبعضهم يحمل ابنائه معه يستوقفونك وبقلك من مال الله. احد اصدقائي كان كل ما يستوقفه هؤلاء الشحادين ويقول له من مال الله كان يغضب ويثور ويقول للشحاده او الشحاد :ومن قالك ان الله ترك امواله معي...طيب طالما انتوا شحادين و غير مقتدرين ومهمشين لشو قلة هالحياه ونازلين على ابو نكح ليل نهار أي هدو اللعب..بقولك لا احنا بدنا نجيب اولاد والكره بملعبك يا رب دبرها من عندك.
بعض العقلاء والمثقفين فاهمين الوضع لذا هولاء ينجبون من 1 الى 4 ويعترف ان مهمة الانجاب سهله لكن التعليم والتربيه والسكن وتوفير اسباب الراحه هو من واجب الاباء والامهات.لكن مع الاسف هؤلاء هم الاقليه والاكثريه من نوعية اخلق واعزق وربك برزق.
اجمل السيناريوهات هم هؤلاء الفقراء اللي عندهم غرفه يا دوب تقول عنها غرفي وشي 6 او 7 اولاد بناموا على الارض بالتناوب وبورديات بيجي الاب من العمل تعبان ويرسل الاولاد جميعا على الحاره علشان يتعاركوا مع اولاد الجيران ويقول لأبنائه انتو انتظرونا انا وامكم عنا موضوع لازم نتحدث فيه وبكون مشروع توصيه على الولد ا لثامن.. ومشان جنابو ينبسط هالساعه ببذر لنا مولود جديد لينضم الى فريق كرة القدم الجائعين اللي ما عندهم ياكلو.
الفقر هل هو فقر ذات الحيله ام فقر العقول.على الارجح فقر العقول على شوية تخلف وجهل وتغيب ديني هذه كلها وصفات لمجتماعتنا العربيه المتخلفه.
لا اعتقد ان علماء النفس والاجتماع محقين في ان زيادة عدد المواليد وعيشهم بهذه الظروف الصعبه من الحرمان والقهر والجهل والفقر والتخلف له تأثير على زيادة نسبة الجريمه والبطاله وشوية التحرش الجنسي والضياع هذه مجرد دعايه يثيرها الغرب ولجان حقوق الانسان حتى ينالوا من عزيمة شعوبنا لكي تتوقف عن اداء واجبها الوطني والديني في الانجاب ,لكن هيهات نحن لهم بالمرصاد وراح نخلف لاوطانا جهادين وشحادين ومش مربين ومش متعلمين نكايه وكيد فيهم وحتى لو احترقت ارواحنا قبل ارواحهم في الانجاب مستمرين وعاقدين العزم على النصر المبين.

#جان_نصار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات