والحمزة ما أعرف!

محمد الليبرالي

الحوار المتمدن-العدد: 4175 - 2013 / 8 / 5 - 19:20
المحور: كتابات ساخرة
    

وانا جالس و كالعادة لا أجد شيء لأفعله أتتني رغبة جامحة لكتابة مقالة لكن واجهتني مشكلة ولا أخفي عليكم سراً هية عويصة جدا على الحل و قد جاهدت لحلها ولم أوفق الى ذالك و تتمثل بأني لم أجد موضوع معين لأكتب حوله و أنا خلال كتابة هذه الكلمات لم أجد بعد الموضوع يا لها من مصيبة!...(يالهوي) كما يقول الأخوة المصرين أو كما قالها الفنان العظيم...محمد السالم في أغنيته الموسومة...التي يقول بها صديقي باك محفضتي وقهرني مسكين صدك الدنيا مو أمان بحيث الصديق يبوك صديقة وشيبوك وداعتكم شي ميسوة هية خلك محفضة بس النفوس الضعيفة هواي على العموم بعد من تكعدون وية أصدقائكم كل شوية تأكدو من محافظكم بعدهة ممنشولة! منشولة مو يعني بيهة فلاونزة لا يعني ممبيوكة زين خو كول من الأول ما مبيوكة الا اتجيب كلمات بيهة أكثر من معنى؟ لا مو انتم متدرون اني لحد الأن مالكيت الموضوع الي اكتب بي فكمت اشمر بالكلمات عامي شامي على العموم نرجع لموضوعنة! ليش احنة عدنة موضوع؟ هاااا اي الدروس المستشفة من أغنية محمد السالم! لذالك عملاً بهذا الدرس أنتم أخذو حذركم...بس أحنة ما سئلناكم انتم تعرفون شنو يعني كلمة (مستشفة)؟ اي طبعا اكو بيكم يعرف لين قاري كتب و مثقف فيعرف و أكو بيكم ما يعرف اني كلامي ويا الما يعرف المستشفة يعني شلون اوصفلكمياهة!!!! ممممممم يعني المأخوذة.... بس كون فتهمتوهة انتم اكيد تلاحظون أني كمت اجيب و أحشي بالحجي بمناسبة وبدون مناسبة...تدرون ليش؟ لين أني هم لحد الأن ما لكيت الموضوع....مو تدرون شنو أني اكللكم شنو أذا ما لكيت موضوع أكتب بي محد يقرا المقالة مالتي واني أذا ماكو أحد قرا مقالتي راح ازعل وزعلي وحش أوي مو أني مو مثقف معروف و كاتب كل الناس تعرفني بحيث أي كلمة أكتبهة الناس تصفكلي حتى لو كلمة تافهة جبناهة على التفاهة مثلا بموقع التواصل الأجتماعي السيس بوك!! أقصد الفيس بوك بس شنو قصة السيس بوك لا ولا تخلون ابالكم هاي كرار يكول هيج...زين هو كرار منو؟ أهووو لا أنتم هواي تسئلون و دخت بصراحة على العموم أو كما يقول الأخوة الأنكليز لعنهم الله (هوفر) أحنة كلنا نحجي على التفاهة مو؟ أي صحيح نحجي على التفاهة و السيس بوك على كولة كرار بس خل نعوف السيس بوك هسة وخل نحجي على التفاهة بس التفاهة الهة أنواع و الهة تعاريف هواي بس بما يختص بموضوعنا خل نحجي على الأخوة المثقفين أصحاب المقلات العصماء...يعني شنو عصماء؟ و الحمزة ما أعرف على العموم الناس من تريد تقرا لفد واحد مقالة أو كتاب لازم تقرا لفد واحد معروف وعندة أسم أن كان المقروء مقالة في جريدة أو مجلة أو قراءة كتاب لكي يتباها القارء بين أقرانه بأنه يقرأ لفلان من الكتاب...متلاحظون اني كمت أتفذلك؟ اي فالمجلات و الجرائد خو ما تجيب اي واحد يكتب بيهة لا لازم تجيبلهة واحد كاتب الناس تعرفة مو شرط هو خوش يكتب يجوز اكو احسن منة بس المهم هو الناس تعرفة زين شلون الواحد يكون معروف؟ ترة خوش سؤال بس ترة بسيطة خل الناس تشوفك هواي يوم بمكان عام و انت تشمر بسوالفك ومصطلحاتك الرنانة ويوم فد صورة زينة وية شكم كاتب معروفين و فد لقاء صحفي أو غيرة و بعد أنت وشطارتك و الناس تكوم تعرفك بحيث الناس من تقرا المقال المكتوب من قبل هذا الكاتب الجهبذ في الجريدة الجهبذية! شنو هاي الجهبذية؟ و الحمزة هم ما أعرف ما يهمهة شنو المكتوب بهاي المقالة من أراء المهم انها مكتوبة من قبل فلان أذن هية صحيحة و أن كانت اراء خاطئة و أن كان اسلوب ركيك يوجد الكثرين غيره أن يكتبو عن نفس الموضع بأسلوب أحسن و باراء أفضل و أكثر موضوعية لكن مشكلتهم أنهم غير معروفين!! ولا تنسى عزيزي القارء...هاي أذا أكو واحد راح يقرا هاي المقالة المسكينة....أن بهذه الطريقة يمكن التلاعب بالشعوب و خلق رأي عام بواسطة هؤلاء المعروفين لأن الناس غالباً تنظر الى من قال ولا تنظر الى ما قيل...أعرف الكثير من الأصدقاء ممن لديهم قدرات واسعة بالكتابة و بمجالات متنوعة علمية و ثقافية و أجتماعية و أقتصادية لكن لا تعطى لهم الفرصة و ذالك لسببين أولا و هو المهم لأن المعروفين المسيطرين على مجال الكتابة يممنعونهم ...هسة واحد يكول ماكو هيج حجي جا اكلة ليش عشرات المقالات الرائعة اجتكم من كتاب غير معروفين وما نشرتوهة!!...لأنهم يخشون أذا ما أعطوهم الفرصة سيستحوذون على مكانتهم لا أعرف اذا كانت هذه المخاوف حقيقية لكنها موجودة و السبب الثاني و هو الأهم أنهم ببساطة غير معروفين و بعالم الصحافة مالهم أسم...هسة نرجع لصاحبنة السيس بوك و هناك نشوف المظلومية لهؤلاء الشباب بأوج عظمتهة يعني مثلا تلكالك فد شاب مرتب كاتبلة مقالة تخبل و خصوصاً انا اخص من يكتبون بالمجالات العلمية الصعبة و من يترجم المقالات من الأنكليزية و التي تتطلب جهد كبير زين اذا حصلة لايكين...يعني ثنين لايكات أو ثلاثة على الأكثر و تجد أحد هؤلاء المعروفين كاتبلة منشور مكون من كلمتين (أحم أحم) تلكالك 100 لايك و 250 تعليق وخصوصاً لو جانت بنية...يبوووو ويلهوي... مو يكلك هذا المعروف كحتة بيهة حكمة!! مصيبة على العموم اني تعبت كلش بس تدرون لحد الأن ما لكيت الموضوع الي اكتب بي...شلون شغلة بس يلا هية وين المواضيع هية ضلت مواضيع شو هية فالتة....بس كون ما تعبتكم وياي و أني اعتقد الي يوصل لهنا بقراءة هاي الشخابيط أعتبرة مجاهد شلون صبر بس يا ترة راح تجيني لايكات ومشاركات؟ ترى خوش سؤال مو؟......نراكم بعد الفاصل

#محمد_الليبرالي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات