حكايات #عن

ريم اللقانى

الحوار المتمدن-العدد: 4164 - 2013 / 7 / 25 - 01:09
المحور: الادب والفن
    

#عن عمرك اللى زى الوردة اللى اتخلقت فــ الصحرا
#عن قلبك اللى بيموت مــ الوجع ومحدش حاسس بيه
عن لما تبقى متأكد ان اجمل ايام حياتك خلاص عشتها
#عن لما الناس توصلك انك تشك حتى فــ صوابعك
#عن ذكرياتك اللى كل ما تفتكرها تتمنى ترجع تانى لورا
#عن لما ترضى باقل حاجة عشان تفضل جنب اللى بتحبة وبرضو متفضلش
#عن لما تصحى كل يوم وتقول يارب ما حد ينكد عليا وبرضو تنام معيط
#عن حاجات كتير حرام اتمنيت انها تبقى حلال
#عن عادات وتقاليد لو عيشنا منغيرها هنتبسط اكتر
#عن حد قفلت منه من غير سبب
#عن حد بيجيب فى سيرتك وهو عمره ما شافك اصلا
#عن اماكن وروايح وكلام ارتبط بحد معين
#عن دمعة داريتها ورا ضحكة
#عن كل سوء تفاهم خسرك حد بتحبة
#عن المشغوليات اللى خلتك متقابلش اصحابك
#عن حد لما كنت زعلان فكرت انه هيطبطب عليك ونفضلك
#عن انك زهقت من شرح حاجات لحد وهو قافل مخه زى الحمار
#عن حد استغل حبك ليه وداس على كرامتك
#عن حاجات كان نفسك تعيشها ومعشتهاش
#عن حد اتغيرت عشانة وسابك ومشي
#عن كلام لو قلتة هترتاح بس هتخسر ناس كتير
#عن ناس بتحبهم من غير متعرفهم
#عن اعجابك بحد من اول مــ شوفته
#عن كل اللحظات اللى اتجدد فيها الامل
#عن لما تصحى من النوم مقريف وتلاقى مامتك عاملالك فطار حلو
#عن باباك لما يقولك روح يا ابنى انا قلبى راضى عنك
#عن صوت منير وهو بيقول ( يا حببتى )
#عن فرحتك لما تقابل حد كان واحشك بالصدفة
#عن صوت فيروز مع فنجان قهوة الصبح
#عن لما تبقى راجع تعبان وتشوف سريرك
#عن فلوس تلاقيها فى جيب حاجة صدفة
#عن لما تعمل حاجة بسيطة لحد ويقولك شكرا
#عن فرحتك لما تشوف مسدج حلوة من حد كدة :)
#عن حد نفسك تشوفة مبسوط باى تمن
#عن حاجات كتير قوى بتعدى ومبناخدش بالنا منهااا

اااه نسيت و #عن مواقف عدت قدام عنيك دلوقتى وانت بتقرا كلامي سواء ضحكت او قفلت وشك

#ريم_اللقانى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات