منار احمد هانى

منار احمد هانى

الحوار المتمدن-العدد: 4163 - 2013 / 7 / 24 - 03:47
المحور: كتابات ساخرة
    

دايما فاكره ايام زمان
الصبح الساعة سبعة وماما بتصحينى
اتأخرتوا على المدرسة الساعة بقت سبعة وانتم لسه نايمين

واصحى ألقى برنامج صباح الخير يامصر

الساعة سبعة وربع ياحلو صبح ياحلو طل ياحلو نهارنا فل

وجدتى وهى بتدعيلى وبتوصينى على مذكرتى
وماما دايما قلقانه خالى بالك من فلوسك واوعى حد يضحك عليكى
والساندوتشات تتاكل كلها مش
عايزاكى ترجعى بواحده منهم

والحصة الاولى كانت دايما حساب وميس نادية بتشرح ودايما كانت مخنوقة من نفسها
ماتركزوا بقى خلى الدرس ينتهى ويدق الجرس وابتسامة امل

اصل الحمدلله الحساب انتهى

ويدخل ابوا دمه تقيل وغلس اللى عمره مابيتفهم

نحوى يا نحوى اه ياقواعد معقدة

و حصة العلوم كنت دايما بحبها اصلها كانت فيها حياة وخيال وكلام عن نجوم بعيدة وكواكب فاضية بتندينى اعيش فيها وعالم مجهول اسمه بلوتو زمان قالوا انه اخر الكواكب بس بعد كده اكتشفوا انه لسه فى بعده تانى

وتيجى حصة الاملاء
كنت بكرها موت اصلهم كانوا بيقولوا كلام غير مفهوم
طب والنبى اكتب ازاى كلام مش فاهم منه حاجة

واخيرا جت الفسحة كانت دايما بضيع عند عم احمد والداده فاطمة واحنا بنحارب علشان نشترى باكو شيبسى
بس الشاطر فين كان بيشترى من بره ويوفر نفسه من الزق من ده وده
والوقت اللى بيعدى وانا هموت واشترى واروح العب
بيريلا بيريلا واستغماية وعلبة الوان



و موعدنا الان مع الانجليش اول زا تايم
ابو ورك بوك دايما كنت استعبط وانساه وليه فى البيت هو بيعمل اى فى البيت هو بيحل نفسه بنفسه
اه بيحل نفسه بنفسه ماهو كان دمه تقيل وغلس دايما كده من غير ألوان ولاحتى صور

وتدخل ميس سعاد الدراسات والعلم كانت طول السنة ملهاش كلام غير عن العلم ابو اربع الوان
احمر واسود وابيض وفى النص نسر مش عصفورة
عارفين النسر ولا عمركم ماشفتوا قبل كده
عموما شكله وصورته اهو مش مهم تكونوا شفتهوه فى الحقيقة
بس احفظوا شكله كده

واخيرا مع حصة التشوق والمتعة
حصة الالعاب
يالا يا يامستر ننزل نلعب تحت فى الحوش
معلش يا اولاد اصل المدير تحت بيستمتع بالشمس
فى ليالى الشتاء الدافئة واحنا طبعا لازم نحترم المدير


وارجع البيت عملتى اى ياه لسه ححكى كل ده من اول وجديد
ويجى بابا ويسألنى تانى النهاردة حصل ايه
طب ما ماما تقولك ماهى عارفه انا عملت اى
طب وليه انتى متقوليش ولا انتى فالحة بس فى اللالماضة لسانك شبرين
ازاى ده انا صايحة لحد بليل مخصوص علشان احكيلك عملت ايه

واقول الرواية من اول وجديد وادخل انام واصحى على صوت الساعة سبعة وانتم لسه نايمين وبرنامج صباح الخير يامصر ياحلو صبح ياحلو نهارنا فل


وبرضه ميس سعاد ملهاش كلام غير عن العلم ابو 4 الوان كانها المتحدت الرسمى باسمه
وايوا فى البيت بيحل نفسه بنفسه
عندك مانع ودينى للمدير اصله كان روتين يخنق وازاى عايزنا نطلع مبدعين



بس كانت احلى السنين احلى الذكريات فى مدرستى القديمة
وطابور الصباح والنشيط اللى كنا دايما بنتلخبط فيه

#منار_احمد_هانى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات