منار احمد هانى
الحوار المتمدن-العدد: 4162 - 2013 / 7 / 23 - 09:48
المحور:
الادب والفن
كل يوم اصحى على خبر جديد
اعتصام ..تفجير
كل يوم ……شهيد
كل يوم بيتحرق يابلادى حته منك
وجوايا انا النار
بتزيد وتزيد
والنار اللى جوايا
مش عارف بتحرق مين
بتحرق
ابويا
ولاصاحبى واخويا
خايف فى يوم اصحى
القى اخويا
ماسك مسدسنا
اللى زمان كنا
بنلعب بي
خايف يصدق اللعبة
ويموتنى بأيده
خايف
ومش عارف اعمل ايه
بنطق بأسمك
وبقول بحبك يابلدى
ألقى رصاصة جى فى قلبى
ويقولوا الذنب ذنبك
مااانت اللى قولت بحبك يابلادى
منار احمد هانى
#منار_احمد_هانى (هاشتاغ)
كيف تدعم-ين الحوار المتمدن واليسار والعلمانية
على الانترنت؟