عارف ليه الاخوانى بيقول عليك كداب ومفترى على مرسى

بطرس رشدى جندى

الحوار المتمدن-العدد: 4161 - 2013 / 7 / 22 - 22:49
المحور: الثورات والانتفاضات الجماهيرية
    

متستغربش لما تتكلم مع اخوانى ويقولك مرسى افضل رئيس وان البلد كانت زى الفل فى عهده لانه اخد مميزات مش بياخدها المواطن المصرى :

- لما اخوانى معندهوش خبرات يبقى محافظ .. يبقى لازم يكون فرحان لانه هيقعد فى شقة فخمة وهياخد مرتب كبير .
- لما اخوانية متخصصة فى الطبيخ وبتعمل ملوخية وبامية بقيت فى مجلس الشورى ولما يسالوها عن حاجة معينة تقولهم انا ماليش غير فى الطبيخ ... يبقى اكيد لازم تبقى فرحانة لانها دخلت مجلس الشورى وبتاخد فلوس على كل جلسة بتحضرها .
- لما اخوانى مش لاقى شغل بقى عضو فى الجمعية التأسيسية للدستور .. يبقى لازم يفرح ويقول مرسى افضل رئيس لانه بياخد فلوس كتيرة وكمان بياكل احلى اكل عمره ما اكله فى حياته .
- لما اخوانى يقدر يدخل كلية الشرطة وهو فى الاصل مكنش يقدر يدخلها ... يبقى لازم يقول ان البلد زى الفل ومفيش اى مشاكل .
- لما اخوانى يتعين بسهولة فى اى وظيفة وياخد مرتب حلو عشان هو اخوانى ... يبقى لازم يقول ان البلد زى الفل مع العلم ان مرسى قام بتعيين الالاف من الاخوان فى وظائف الحكومة بمرتبات فلكية وايضا قام بتعيين اكثر من 500 اخوانى داخل الرئاسة .
- لما اخوانى ياكل ويشرب وياخد فلوس فى كل مظاهرة ينزلها عشان يقول يا مرسى انت رئيسى ... يبقى لازم يكون فرحان لان الفلوس بتجيله بدون تعب ولا مجهود .
- لما الاخوانى يلاقى العيش بيجى لحد عنده بدون ما يوقف فى طابور ... ليه ... لان حزب الحرية والعدالة بياخدوا العيش ويوزعوه فى البيوت للاخوان .

الاخوانى بقى ياخد مميزات مش بياخدها المواطن المصرى ... الاخوانى مش فارق معاه البلد تنهار ولا لا ... المهم مصلحته اولا .... لكن المواطن المصرى عنده مصلحة البلد اولا ... ثم اى شئ اخر ثانيا

يا عزيزى المواطن المصرى ... اكيد عرفت ليه الاخوانى بيقول عليك كداب ومفترى على مرسى ... عشان مرسى كان مخليه يعيش فى عالم عمره ما حلم بيه ... بس كان لازم يصحى منه قبل ما نصحى كلنا ومانلاقيش البلد دى اساسا .

#بطرس_رشدى_جندى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات