عمر منصور يعكوب
الحوار المتمدن-العدد: 4104 - 2013 / 5 / 26 - 00:53
المحور:
الادب والفن
مو كلمن ملك صكر
صار صكار
و مو كلمن ركب خيل
سموا فارس
و مو كلمن حجه ب طيب
تضنه من الأخيار
و مو كلمن بيده كتاب
للكتاب دارس
و مو كلمن ترك صلاته
صار من الكفار
... بلكلب الإيمان
مو عمامه و محابس
و مو كلمن عنده جنحان
تعلم المطيار
الدجاج حلو جناحه
بس بلقفص خانس
فرحان هلبشر
عنده كم دينار
وجع سن
يخلي يرافس
و مو كلمن مالت ميله
انكتب إلهه الأشعار
و مو كلمن كتب
شعر بلعشك طامس
العشك زرعه
نتناه مثل الصغار
و شحلاته لمن
جذره بلتراب غارس
و لكم عيون لولو
طلع من محار
و صدره للثوب
تارس
و الورك للورك
تكول وصفه عطار
و النفس على النفس
كابس
و البشره تكول
ما طالع علي نهار
و الشعر انغزل
من خيوط الشمس
الورد يبقه ورد
مستحيل يصير صبار
حتى لو شح المطر
يظل راكز
صح يموت النخل
بس يموت واكف
هذوله الكبار
حتى بموته
الشجر العالي
ينافس
#عمر_منصور_يعكوب (هاشتاغ)
كيف تدعم-ين الحوار المتمدن واليسار والعلمانية
على الانترنت؟