عشك فراتي

كامل الركابي
(Kamel Alrikaby)

الحوار المتمدن-العدد: 1173 - 2005 / 4 / 20 - 10:41
المحور: الادب والفن
    

غالي حتى ابهجرتك
وانت بعيد
ليل
واتمنى تحن شمعة هواك
تسهر ابروحي
وتعيد الضوه الروحي ,
طافيه وطاحت ابهجرك
ياعذاب
باب مادﮔه نسيم احبابه مره
وباﻟﭽذب
حنّه وحشته
ﺒﭽف حنين النبض
والمعشر
خبز اسمر ..ومملوح
غالي
والضحكه العلى اشفافي
جروح
ويا مسافه
التبعدك عني ؟
اشو مابينك وبيني
محبه
وعشره خضره
زاهيه ابلون الطفوله
يافراتي اﻟﻌﺸﮒ
والمستحه
والروح
عذّبني خيالك
دوّخ الراس
وبعد شيريد مني
فدوه اغدي العينك
اشبيدي وأجيك
ها يلسمر
واعتني ابحرﮔه السمارك
حيل واشتمّك واضمّك
وآكل ايديك ابجمر بوساتي
واتدلل عليك
أمفرّعه احزاني
ولاشيله التغشّيها يلسمر
تحترﮒ
وسفه وعذاب
وهاي عافيتي
البعدها امحزّمه
ابحيل الشباب
مشعل اﺒﭽفك
اخليها وحياتك
بس تفك من راسي
هاي الليله
تعذيب الظنون
وتاخذ اطيوفك
لوّن تغفه العيون
ولاتصحّيني
ابشمس ذكراك
هاي اليله
بس !

#كامل_الركابي (هاشتاغ)       Kamel_Alrikaby#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات