مجموعه حراميه

اكرم مهدي النشمي

الحوار المتمدن-العدد: 4074 - 2013 / 4 / 26 - 01:14
المحور: كتابات ساخرة
    

ياحسافه على وطن نهبته الحراميه
تعالو نشعل شموع ونوزع للجيران واهليه
من عمت عين عبدالله المؤمن
من يكول يطبكم مرض واني شعليه
والبرلمان شلون برلمان يلعب النفس
, ثلثت ارباعه لوكيه
راح صديم الجدال واجتنه مجموعه هتليه
وطن عشعش بيه سحير الليل
يحتفل بيه الشصر ويسكر ليليه
واحدهم وديع الطبع مسكين
بس وكت النهم ماتسبكه البريعصيه
وطن هجرته الاسود, واولاد الفهود
وقسمته امريكا بين الشواذي و الواويه
يكلي هذا مذهبي وهذا مذهبك
مايعرف كلنه من بطن اصيله....هي الام العراقيه
لعنه الله على السارق والقاتل
….ولكم وين تروحون تاليه
سبحه وعمامه ....
ويكلي جا بعد شني ...
جابعد شتريد
مو هي هذي الوطنيه
طول لحيتك ولاتسبح شهر وتصير ريحتك مثل صنان
واعاهدك مايتقرب منك لاشرطي ….لادوريه
والكرش وماادراك ماالكرش....تعرفون يكبر كلما كبرت الخلفيه
ومن يصير عضو فعال
عفوا عضو بالبرلمان ينسى الاخلاق
يحجي بكلام السوقيه
ولكم يااهل السوابق,,,
خلو هذا الكلام باذنكم ترجيه
لاتتمادون ويه شعب العراق
وهاي من عندي وصيه
تره العراقي طيب وابن اصل بس على الوطن
تصيبه الشهامه وتصيبه الحميه
تره يسحلكم بالشوارع
وماتفيدكم فتوى من عمامه ايرانيه
و ما يلحكلكم لا اوباما ولاماما.... ولالحيه سعوديه
اكرم النشمي

#اكرم_مهدي_النشمي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات