شعر شعبي

جميل عزيز محمد

الحوار المتمدن-العدد: 4054 - 2013 / 4 / 6 - 12:15
المحور: الادب والفن
    

ليش ( 2002 )

يحاصرنا القهر والضيم والمحنه بأثر محنه
ودومه هالوكت غدار نص الدرب ويذبنه
شما نتهادن وي الضيم يرد ويخالف الهدنه
شكثر نبذل سماحة وطيب ليش الوكت يخذلنه
ليش اليزرع المعروف حصاده الاه والونه
شكثر نصبر بعد وشكد يجافي الوكت ويذلنه
شكثر نزرع ورد وازهار ليش الشوك بس النه
ليش اكلوبنه البيضة جريحة وتنزف بدمنه
ليش يشح وكتنه ليش ياخذ طيب ويذبنه
ليش ايد النمدهه بخير ترد معضوضة تالمنه
ليش اليخلص ويوفي يشوف الغدر والمنه
ليش اليشعل الشمعات يردن ليه يجونه
ليش اليرحم الوادم ترد عليه وتلعنه
ليش شما تهيد اجروح تهيج اجروح تلجمنه
ليش احنه هدف مرصود عليه الجور يتعنه
ليش احنه منهد ادم يهد قابيل يذبحنه
ليش احنه الضحيه دوم ليش الذبح بس النه
قدرنه لو سبب بينه يبو الاسباب شو حرنه
جا وينه الننطره دوم يجي هالحين ينقذنه
جا وينه الننطره دوم يجي هالحين ينقذنه

#جميل_عزيز_محمد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات