ورد الباجلّه ! أشكال من هالمال حمْل اجمال

ميسون نعيم الرومي

الحوار المتمدن-العدد: 4045 - 2013 / 3 / 28 - 01:08
المحور: الادب والفن
    

ورد الـبـاجـلـّـه ! أشـكـال ـ من هـالـمـال حـمـْل اجمـال
ميسون نعيم الرومي

خـَزْنـَه اوطـارَتْ يـاسـَتـارْ
مـِلـْيـارْ يــِنـْطـَحْ مـِلــيـار
جــوگــة ْ أُمـِيـَّه اوكـُــفــار
واحـِدْهـمْ فـَتاحْ الـفـال - من هالـمالْ حـَمـْلْ اجـمـالْ
-----------------------
يـِدعيْ عاقـِلْ بـَس خـِبــِــل
لاشـغـلْ عـِنـْده او لا عـَمـَل
ذيــلْ الچـَــِلـبْ ما يــِنعـدل
ايهذري وابهذا الموال - من هالـمالْ حـَمـْلْ اجمــالْ
-------------------------
مـَهـْتـوكْ عالـبـوگْ انچــِلـــَبْ
ويـنادي ببحـْقـوق الـشـَعـــَب
انـطـانـَه الـنـِوه اوبـاع الـرطب
ابـذاك الوَكـِت نص انعال - من هالـمالْ حـَمـْلْ اجـمالْ
-------------------------
نركض او نـرجـَعْ لـيـوَرَه
نـايــِبـنـَه واگــفْ بالسـِرَه
شحچي شگولن عَ الجـرَه ؟
اهوال تصنع اهـوال - من هالـمالْ حـَمـْلْ اجـمـالْ
-------------------------
نـازِ ِلْ ابـْسـِعـْرَه الـديـنارْ
دَگـّـوا ابـْنـَعـْشـَه بـِسـْمار
والســـوگْ كـِـلـَـه مـِنهــار
صدگوا اصحاب الأمـثال - من هالـمالْ حـَمـْلْ اجمــالْ
------------------------
نـِحچيهه بالسـر والعـلـَنْ
زادَنْ اهـمـومـَكْ يـا وَطـَن
چـَمدوبْ تـِنـْحـَبْ تـِمـْتـِحـن
يـا حـال أتـعـَس من حـال - من هالـمالْ حـَمـْلْ اجمــالْ
-------------------------
مـِنْ هـالـحَـچـي مـَلـيــنــَه
يـاهـو الـيـجـي اويـولـيـنه
عـِـلــّتـْـنـَه مـِنـّه اوبـيـنـَه
والـعـِلـّه شـَلـَت هـالحـال - من هالـمالْ حـَمـْلْ اجمــالْ
-------------------------
يـِـتـيم او ضايعه احگـــوگه
لالـطـعـَـه ... ولا ضــوگــه
ضـايـع بــيــن هـالجـُـوگــه
بـدمـوعـَـه غِـسـلوْ أمـوال - من هالـمالْ حـَمـْلْ اجمـالْ
-----------------------
الـْـمرأة شِـبعـَـت بالـْـقهـَـر
طول الزمن طول الدهـَــر
ماكو رجه عِـد هـَـالــْـبشَـر
واهـْـدومهه كلهه اسمال - من هالـمالْ حـَمـْلْ اجمــالْ
-----------------------
يـاثــقافــَـه ... اومـَهـْـرجان
الـموتـَـه مـوتـَه ابكل مـكـان
يازمان اشوكِـت نـصحـَـه يـازمـان
شــو حـال أنـگس من حـال - من هالـمالْ حـَمـْلْ اجـمـالْ
-----------------------

اذار / 2013
ستوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات