تشوش المرقف وافراغ الحقيقي منه من محتواه.

ضياء حجازي

الحوار المتمدن-العدد: 4040 - 2013 / 3 / 23 - 21:36
المحور: الادب والفن
    

كثر التشكي والعتب هذه الايام لمناسبة افتتاح احتفاليات بغداد عاصمة للثقافة العربية. العديد من المشتغلين بمجالات الادب والفن ممن يتخذون مواقفا تحسب علئ معارضة السلطة الثقافية القائمة والمتجسدة بوزارة الثقافة ومن يتمتمرس في مراكز سلطتها. لم اعتد الكتابة باللهجية المحكية, لكن....
خلوني نحجي بلهجتنا وبوضوح. اعزائي المثقفين المتشكين, حيرتونا وتحيرتوا وضيعتوا المشييتين, شتريدون؟؟؟؟
منا تريدون تكونون اصحاب موقف وتكتبتون وتحجون عن الانتهازية والوصولية والسرقة اللي تمارسها السلطة (الثقافية), هاي نعرفها وصارت بديهية وماكو جديد...منا تتفاجئون وتعبسون وتتشكون وتلعنون ابو الزمان واهله لان هذوله (الحرامية)نفسهم اللي تنتقدوهم وتسبون بيهم وخابصين القيس بوك والجرايد والمجلات (بكشف نصبهم واحتيالهم).ما دعوكم لهذا الحفل او ذاك المهرجان اللي تقيمه جهة انت تعرفون مدئ فسادها. شلون يااخوان (لانهم غالبا رجال)!!!! حيرتونا وياكم وانتبهوا هنا! حيرتو هوايه ناس تقرالكم وتتابعكم من اجيال ممكن تعتبركم ايقونات ومثال للموقف الحر الشجاع. هنا اكو مشكلة جبيرة...اخوان...انتو اصحاب موقف حقيقي وتعرفون وين دتغردون لو شلون؟؟؟ اولا المبدع الحر اللي يتخذ موقف خارج (السرب>السلطة) لازم يكزن مستعد اولا لتحمل مسؤولية موقفه والئ نهاية الطريق (مانقول اخر نفس)و ثانيا الموقف الحر المعارض مو (امتياز) هو فعل في منطقة عسيرة وخطرة اقل ثمن فيها هو التهميش والعزلة (حتئ مانبالغ ونقول التصفية وهذي هم صارت وانتو تعرفون شأقصد ومنو اقصد). اما بالنسبة لمغردي السلطة وطباليها فمعروفون ومعروفة اغانيهم وايضا مكافاتهم. المشكلة الكبيرة اللي انتو ماحاسين بيها...هي خيار واضح مثل عين الشمس العراقية. لو ترقص علئ انغامهم لو تطلع بره. حدد موقفك وتحمل مسئوليته للاخير...هيجي جردتوا اي موقف حر وحقيقي من اي محتواه, خربطتوا وخلطتوا الاوراق وتاهت علئ البشر, وخاصة الشباب اللي قد يجرأ في زمان العهر السياسي والثقافي هذا, ان يتخذ موقف ويعارض لان عنده امل بالتغيير. الخيار الكم, اما تكونون اولا واخيرا حقيقين مع انفسكم ومع موقفكم وتتحملون عبء هذا الخيار الصعب, واما تشوقولكم (بسطية من بسطيات) مهرجانات الوزارة الكريمة اللي تنتقدوها واشبعوا من (خيراتها).
هاي وحدة من التشوشات والتشوهات الكبيرة اللي اصابت المجتمع العراقي وهي اختلال البوصلة حتئ فيما يعد خيارا يجسد الموقف الحر الحقيقي الذي يعنئ بهم الناس ومصائرهم. ان تكون مشوشا غير قادرا علئ حسم موقفك لانك غير قادر علئ تحمل دفع ثمن مااخترت اقل ايلاما من ان تكون شرها لدرجة انك تريد الحصول علئ امتيارات ممن تعتبرهم اعداءا لكل ماهو انساني في بلدك.
لو تخليهم يغنون ويطبلون لاسيادهم ينتخمون ويتتسمون بلقمتهم الوسخة, لو تنأئ بنفسك وتكون صاحب موقف وتترفع علئ موائدهم وتكون اهل لشجاعتك. اما ان تسبهم وتغرف من جدرهم, فهذا هم الانهيار الكامل, يعني اذا مو علمودك...رفقا بالاجيال اللي شايفتك بطل ويمكن تفكر تقل

#ضياء_حجازي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات