عبد الله صقر
الحوار المتمدن-العدد: 4030 - 2013 / 3 / 13 - 21:04
المحور:
الادب والفن
حكاية وطن بينحرق
زى ورق الجرنال
حكاية وطن أنخطف
زى غنوة مسروقة
فى موال
وما كنش حد عارف
إننا بنعيد ونكرر
نفس السؤال
ياجماعة هو وطنا بيجرى
له كل ده ؟ !
قلنا حزب وطنى كان جبار
وجاء حزب جديد غاير
على الديار
هو أيه بالضبط إل بيجرى
مع أولادنا الثوار !!!
حد يقولى ويعرفنى لآن
فى دماغى ألف سؤال وسؤال
هو إحنا بنعيد نفس الحكاية ليه
ونفس الغازات المسيلة للدموع
إل كان بيطلقها الجهاز المخلوع
الظاهر إن ده مع كل الحكام مشروع !!!
الله يخرب بيت أبو الثورة
لو إننا ها نعيد من تانى نفس الموضوع
لآن القتل أصبح بينا شئ مشروع
بنعيش نفس الحكاية فى ذل وهوان وخنوع
الله يلعن أبو إل فكر فى ثورة لآنها كل يوم بتموع
وبتضيع حقوقنا ويصبح الظلم مشروع
#عبد_الله_صقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟