قبل عيد المرأة

عبد الرضا حمد جاسم

الحوار المتمدن-العدد: 4002 - 2013 / 2 / 13 - 11:42
المحور: حقوق المراة ومساواتها الكاملة في كافة المجالات
    

من حجايات كَبل/المرأة
كَثُرَ الحديث عن التي اهواها...عن عمرها عن شكلها...
كتبت الفاضلة الأستاذة بيان صالح موضوع عن المرأة بعنوان: حوار ساخن(اضطهاد المرأة قضية عالمية) الرابط
http://www.ahewar.org/debat/show.art.asp?aid=344386
وكتب الفاضل الاستاذ عبد الحسن حسين يوسف موضوع بعنوان: قضية المرأة في المجتمع الرأسمالي و مشكلة تحررها الرابط :
http://www.ahewar.org/debat/show.art.asp?aid=345023
وكتبت الفاضلة الزميلة فؤاده العراقية مواضيع كثيره عن المرأة منها سلسلة من ستة اجزاء بعنوان تنهدات امرأة الرابط:
http://www.ahewar.org/debat/show.art.asp?aid=299274
تركت لها التعليق التالي على اول جزء و اخذ الرقم46
العدد: 346034 - الشجاعة الباسله فؤاده
2012 / 3 / 17 - 18:10
التحكم: الكاتب-ة عبد الرضا حمد جاسم

تحيه واعتذار
من قال عن المرأة ناقصة عقل ودين هو ناقص عقل وحلم لانها هي من علمته استعمال عقله
والذكر المحترم عندما يشتد ساعده يجب ان ينصف من علمته الحياة كل يوم
قيل الكثير في فضل المعلم والمراة هي المعلم الاول
الضعيف الخائف القلق المتردد الذليل اي الرجل يبحث عن شيء يعوض به ذله فيلجاء الى اذلال المراة وضرب الطفل لانه يعتبر اذلال المافوقه له واجب وعلى من هم دونه قبول ذلك كواجب
تحيه لك ايتها الشجاعه الباسله)انتهى التعليق


وكتب الكثيرون عن موضوع المرأة وهو موضوع ملتهب و مستمر مادامت الحياة لأن اول بوادر انعدام الحياة هو انعدام نشاط المرأة بيولوجيا و فكرياً و عضلياً
تركت التعليق التالي على ما تفضلت به الأستاذة بيان صالح:
العدد: 449286 - الاستاذ المحترمه
2013 / 2 / 7 - 10:48
التحكم: الحوار المتمدن عبد الرضا حمد جاسم

تحية وتهنئة بالعام الجديد مع امنيات بتمام العافية لك و للعائلة الكريمه
اريد ان اقول ما هو معروف
كانت الام العراقيه تنهض فجرا لتشجر التنور و تقدم الفطور الصباحي و بعدها تخرج للحقل و الرجل لا يزال يصلي الصبح و يسبح و يحمد وترعى الحلال و تعود الظهر لتقدم الغداء ثم تهجع لبعض الوقت لتنهض عصرا لحش الحشيش و حلب الحلال و تكمل يومها السعيد بحياتها مع ما تقدم لاولادها و عائلتها لتتلقى عجهية المصلي و بعض سخفه و بلادته وتعصبه ليتهيء بالذهاب الى المقهى او الى المضيف لتسطير السوالف الفارغه غالباً
كانت سعيده جداً لانها انجبت فحافظت على الحياة وعملت وحافظت على الحياة
الغريب ان ابنها من تعبت كل ذلك عليه يعاملها كانها ناقصه ويعامل اخته كذلك
الام علمته المشي ووقفت تشجعه والام علمت الحروف والنطق وصفقت له تشجيعا وهي من علمته اللبس وشجعته ان يرتدي ملابسه والام علمته الثقه بالنفس واول من لجاء اليها ليخبرها انه معجب بفلانه
انكن كبيرات ايتهن الباسلات انكن امهات ازواجكن وابنائكن وابناء ابنائكن
اجمل شيء ان ينادي الزوج زوجه بكلمة يمه)انتهى التعليق


ولم اترك تعليق على ما تفضل بنشره الاستاذ عبد الحسن حسين يوسف لأني قررت ان اكتب هذا الموضوع فتحية للشجعان الثلاثة هكذا تقول اللغة ولكن اقول تحية ((للشجاعات الثلاثة)) و يتفهم الاستاذ عبد الحسن حسين يوسف القصد.
==**سالفه من حجايات كَبل عن المره(المرأة):
.........................................................
باللهجة العامية العراقية الجنوبية:
حجه(تكلم ) الرفيق عن المرأة و استند الى اقوال لماركس و لينين وديفوار وغيرهم... وزاير جبار صافن(زاير لأنه راح سِكِنْ(مساعد سائق) وي السايق الى زيارة الرضا/مشهد ايران...هذا شبه فرض يمارسه الشيعة و يتباهون به و بالذات في تلك السنوات التي يتعذر فيها الحج الى مكة)
خَلّصْ الرفيق
نب(تكلم دون استئذان) عليه زاير جبار... كَلة استاد يرحم ابوك ارد اسولف سالفه ..أكَدر...
كَلة الرفيق تفضل بس مو كَلنه بعد ماكو استاد لازم تكَول رفيق
جاوب زاير جبار كَله الف رحمه عله بطن النكَلتك..كفيت او وفيت وجنك تدري شريد اكَول.انت كَلتهه.
اجاب الرفيق كَول أنه ماكَلت شي و ما أعرف شتريد أتكَول.
كَاله زاير جبار لا استاد زين تعرف
كَاله ها مو هسه كَلنه بعد ماكو استاد متكَلي شلون اشلع استاد من لسانك
جاوبه زاير جبار...رفيق استاد انت غلطان وحشاك من الغلط هاي مو بلساني هاي أهنا وأشر عله راسه.
كَله رفيق استاد حته لا تزعل...صارلي سنتين اوياكَمْ...كل اسبوع او كَال ماركس او حجه ليَ نين(لينين) او كَالت فلانه او حجه افلان...او ما انشلعت جلمة استاد من راسي...لأن كلمن افندي اولابس باينباغ(قاط او رباط) هو بيه(يعني بدماغه) استاد...هسه انت تريد تشلعها بحجايتين...
يستاد شغلت المره هرملة او لغوه حشوها براسنه من الزغر اومستارثينهه من الف سنه هاي ما تنشلع لو بعد ميت الف سنه...اذا ما نسوي مثلهم
يبعد ابوي و أهله ...يبعد روحي يستاد...يبعد حلكَي حلكَك...ما تبطلنه من هذا الحجي و نحجي اليوالمنه. كَال ماركس او حجه ماركس ...تره هالسوالف ما تسوي شي
جاوب الرفيق و هو مبهور بما يقوله زاير جبار: كَول...اشتقترح
جاوب زاير جبار ..اقترح...اي ولك ابو ستار تقترح هههههههههههههههه
مو هسه اقترح...
هسه اريد اسولفكم سالفه
كَالوله اتفضل ابو جبار...تفضل زاير...تفضل رفيق
جاوب :شوف استاد رفيق كلمن كَال البراسه واحد زاير و الثاني رفيق او واحد ابو جبار...شكَلك...مو كَتلك كلمن والبراسة...خوب عدله
اسمعوني زين...
مره(في احد المرات) كَلت خل احجي وي العايله بالبيت واحنه أعله الغِدَه...
كَلت لم ستار(ام ستار/زوجته) كَدام الفروخ والبت(الاولاد والبنت)
...يكَول ماركس...
بعد ما كملت.... صاحت المره...خوية ابو ستار مو كَدام الفروخ( الاولاد) ...شني هذا الحجي المكسر ...مو عيب...وغطت وجهها بشيلته(الشيلة غطاء راس اسود) ودارت كترها(دارت وجهها)...
كَتلها(قلت لها) ولج اشبيج(ماذا بك) ما تستحين ...يا حجي مكسر...ولج انه ابو فروخج...تغلطين عليه كَدامهم...اضملج اياهه هسة محضورة الفريخات ياكلون.
نفضت هدومي و كَمت زعلان او عفت الغده(الغداء) ...وهي من تشوفني انفض اهدومي يعني تحضر نفسها اليوم ادكَهه دكَه(اضربها بقوه) ما ضايكَه مثلهه...ازلغها زلغ(انزع جلها عن لحمها)...
كَامت تركض وراي...صاحتني درت ويهي(وجهي) عليه واتناوشتهه بطراكَ(ضربة كف) فريتها فر...
ولج بت الجلب(الكلب) انه احجي حجي مكسر...هسه انتي خليتني احجي حته عرفتي حجيي مكسر...
اتعادلتله بالثاني(ضربتها مرة اخرى) و مديت ايدي عله عكَالي ...وهي تصيح ابروح ابوك لا ...عليك الزهره (فاطمة الزهراء)...عليك ام البنين(احدى ازواج علي ابن ابي طالب)...عليك الرضه الزرته(امام من ائمة الشيعة الاثني عشرية مدفون في مشهد /ايران)
حَّلِفَتْني... بعد سكتت...كَتلها(قلت لها) و لج بت(بنت) المشعول ... انه (انا) حجيت حجي (تكلمت كلام) أمكسر.
خليتيني أكَمِلْ حته حجيي مكسر.
كَالت استحي احجي اشكَلت...
كَتلها(قلت لها) ولج أنه ما كَلت شي...
كَالتلها(قلت لها) لا زاير انت فشرت(كلام معيب)...
كَتلها يابت الطحال و لج كَليلي اشكَلت...
كَالتله كَول والله ما أطكني...
كَتلها كَولي.... والله ما اطكَج(اضربكِ)...
كَالته انت مو كَلت (...)...لو بيناتنه ميخالف... مو كَدام الفروخ والنوبه البت كَاعده.
كَتلها ..أيا بت المشعول ولج جا انتي عفتي (مار) أو جلبتي باال(...){الحرفين الثالث و الرابع من ماركس وهو في العامية العراقية يعني الفرج}...
اودكَيتهه دكَه زينه حته دورة الأخره(في المرة القادمة) أتدير بالهه زين(تنتبه جيداً) و تفك اذنهه موتلكَف لكَف مثل اليهال(الاطفال).
احنه وين يستاد او ماركس وين...والنوبة جبتلنه اوياه داردور(سيمون دي بوفوار).(داردور مفرده تتكر في دروس محو الأميه دار و جمعها دور)
ضحكوا الجماعه...خربو من الضحك...
رد زاير جبار...هسه رفيق استاد (هجي(ج ثلاث نقاط) احسن من استاد وحدهه)
جاوبوا الربع(الجماعة) ...هسه اشتقترح...شنسوي
اكَلكم شلازم انسوي....
كَلت النه كَبل يستاد رفيق... طلعو ربعنه مظاهرة يصيحون بيها سبع ملايين اتريد حزب شوعي بالحكم...هسه خل انكَول همه عشرتالاف...كل واحد عنده ام لو اخت لو بت هم صارن عشرتالاف مره(إمرأة)...
ان شا الله كل سنة تفَّرخ وحده منهن شيصيرون ...أشكثر...ها...أشكثر...
كَولتن هم عشرتالاف...كَول نصهم ايموتون... عله هلحساب جم سنة نصير مليون.
القصد استاد رفيق... هسه من انكَوم منا(من هنا)... كل واحد يروح يطي حكَ مرته ابيته و المسؤول عنها و ما يطي بته لو اخته كَصه بكَصه وخل يسمع حجيها او يحترمها...
احنه ياستاد مانطبق الشي عله ارواحنه...بس انمسلت(كلام غير منتظم) و نثيع(نهرج) ...واحدنه يستحي من يجيبون طاري المره كَدامه...
خل كل واحد يربي بيته... نصير احسن شعب و بعد لا نريد لا ماركس و لا داردور(دي بوفوار)
واحسن شي نخلي المره هي تربي اليهال(الاطفال)...هي مثل ما تريد تربيهم... حته لا تكَول باجر انتم ربيتوهم ...
مثل ما تعلمهم المشي و تعلمهم الحجي و تعلمهم يلبسون هدومهم وتعلمهم يغسلون اويوهم(وجوههم)...
تعلمهم يحبون خواتهم وامهم و لا يتكبرون عليهن ومثل مايردون(يُريدون) حكَهم(حقوقهم) يخلونهن ياخذن حكَهن
هجي(ج مع ثلاثة نقاط)... انسوي شي لباجر... والله كَال افلان او كَال علان كلشي ما نحصل تره و يظل ذاك الطاس او ذاك الحمام.
و من نسوي هجي فن كَواد ياخذ حكَهن لو يعتدي عليهن...والله اذا ضلينه نسولف شكَال ماركس راح نظل انسولف ويه ارواحنه ويكَولون علينه مخابيل...ويظلون يصفكَون ورانه... ونركض وهمه يركضون ورانه(خلفنا) و يصيحون مخبل ما مخبل الى ان تمشي علينه اولو نسد علينه بابنه و نكَعد لو نكتلنه(نقتل) واحد او ننحبس او ندفع فصل لو نتخبل صدك...وهي هاي العايزه و همه يدورون عليها.
هسه انه بريت ذمتي كَلت الاريده... و اليسمع خل يسمع... والعاقل يفتهم... واحنه ما نصير غير واحد من الثلاثه لو مخابيل لو كَاعدين او ساكتين ببيوتنه مثل النسوان..لو بالسجن و مطلوبين دم اذا ما فكرنه شلون انربي اولادنه زين.
...او ها لو أتكضنه الشرطة و يزلغونه زلغ ونكفر بماركس وابو ماركس و الجاب النه ماركس...عله ذوله شوعيه كفار.
هنه النسوان يعلمن اليهال من الزغر شلون يحبون ويحترمون المره و يخللوله قَدِر...مثل ما يعلمون اليهال الصلاة والزيارة والدعه و شلون يحبون ايد السيد....
او مثل ما نعلمهم الجذب حرام والبوكَه حرام و الغش حرام نعلمهم الحجي علمرة حرام لان هي الام الرضعت او ربت و تعبت او سهرت...
ها و وشرط نشيل من راسهم الجذبه الجبيره ...(الاكبر منك بيوم احسن منك ابسنه...)
هاي الطيحت حظ اليهال وخلتهم يمشون وعيونهم ليوره...وخلتنه امسيطرين عليهم بالحجي المخربط...لأن احنه ما نفتهم...
كَولو...شلون...
باالله عليكم ...شلون انه احسن من ابني...أنه لو بيه خير جان اتعلمت القرايه والكتابه...حته اسمي ما عرف اكتبه,,,شلون انه احسن..ياهو الاحسن انه لو أبني... ابن البارحه...جا انه لو بيه حظ جا تعلمت اقره واكتب...
ابني احسن مني بالف قاط...
ابن زاير حمد صار مهندز ...جا هو الحارس احسن لو ابنه المهندز او يحجي انكَليزي احسن...
ياهو احسن هداوي(تصغير لأسم هادي) ابن ام ناجي الراح الندن يقره(بعثة الى لندن لدراسة هندسة النفط) لو اخوه أنعيم(تصغير لاسم نعيم) العطال بطال...
هاي السوالف المطيحه حظنه او حظ ابهاتنه او ما تحلها تره الا النسوان...
خل يكَولون عله فروخنه تربات مره...تربات المره احسن من تربات واحدنه (........) ترس اديه او ما بيه حظ...لو جندي لو حمال لو فراش... ويحط اعكَاله صفح و يكَعد بالمضيف...لو بالكَهوه ويظل ايسفط حجي ما بيه خير.
لو تربو الولد والبنات عله ايد المره جان صار ابراسهم خير...يكَولون تربات مرة ما بيه حظ و مخنث...لا والله احسن من تربات الزلم...قلها يخافون الله و مايسون مشاكل .
أجابه الرفيق...رفيق جبار انت شايف هيج ...زين راح تطبق هالحجي عله بيتك.
جاوبه جبار...كَله استاد انه زاير جبار و حجايتي وحده...وروح امي من باجر ما لي غرض بالفروخ او بعد لو تدوس ام ستار ابكَلبي ما طكَهه او لا اصّيح عليهه كَدام الفروخ
واخليهه اتربيهم احسن تربية... وتجيك الاخبار....عود كَول زاير جاسم جذاب او ما سواها...او لو سويتها لازم تسولف سالفة ابو ستار و تطشهه عد الربع او بالسلف...وخل اتصير مثل...سالفت زاير جبار.
اخوتي زملائي رفاقي اصدقائي:..
القصد من حكايات زاير جبار هو ان نفكر كيف نعالج موضوع المرأة محلياً بعيدا عن اقوال الفلاسفة والأساتذة و انتظار القوانين والتشريعات التي لا تُطبق او من السهوله التحايل عليها وانتم تلمسون ان الاسلام سمح بحدود معينه بتعدد الزوجات لكن كل شيوخ الاسلام ورجال الدين وأولي الامر فيهم والعامة يتحايلون ويوجدون انواع جديده من الزواج كل يوم وحسب الرغبة والتسعيرة... وان يبدا كل شخص من نفسه اولاً و عائلته وان يفسح المجال للمرأة ان تعلم اولادها حب واحترم الاخت والام وان لا يتعلمون فقط ان السرقة حرام وانما سلب حقوق الغير حرام والتجاوز على حقوق الاخرين وحقوق الوطن حرام ايضاً....وان نتخلص من عبارة(تربية المرأة) المشينة التي يلصقها البعض المتعجرف المتسكع بالمرأة و يذمها بها.
مشاكل المرأة في مجتمعاتنا نابعه من تخلف الرجل الذي يحاول مدارات تخلفه بالدين و العشيرة و التعالي الفارغ...يحاول ان يجاري المتخلفين مثله في المحلة او الدائرة او المدينة او العشيرة...ويفتخر حتى مثقفينا و العاملين بالسياسة والعلم انهم يسيرون على خطى اهلهم وينفذون وصايا الاهل حتى بعد رحيلهم عن الحياة ويورثون ذلك لأولادهم من بعدهم ...نعم هناك شيء جميل في مسيرة من سبقونا لكن هذا لا يضطرنا الى اتباعهم في اخطائهم و صوابهم.
الرجل يحاول سحب المرأة الى مستوى اقل من مستوى تخلفه بكل الطرق ليتسنى له اشباع رغبته بالتسلط...يجد انها حملت و انجبت وتعاملت مع هذه القضية الحياتية بشجاعة و بسالة واشبعت له بعض حاجته للمباهاة...وهو يتصور انه المتفضل حتى انه يلصق بها اسباب جنس الوليد بها... البعض عن غباء ولكن المشكلة حتى عند المتعلمين...منهم من يبحث عن زوجه اخرى لتلد له الذكر و هو يعرف ان العلم يقول ان السبب في ذلك هو الرجل.
تتحمل شدة تخلفه عندما يعمل و كأنه يتفضل عليهم بما يجلبه لهم من اجور عمله و يريد ان يتباهى بانه مُجْهَدْ من العمل و يحتاج الى رعاية خاصه(تغسل له قدميه) وعلى المرأة ان تقدم له الرعاية التي يأمر بها...وينسى ان الجهد الذي تبذله المرأة في بيتها اكبر بكثير من ذلك الذي يقدمه الرجل في عمله...يحاول ان يعكس انه يجاهد في تأمين احتياجات البيت...ويحتاج لذلك ان يتصور انه صاحب فضل كبيره يمنحه حظوة امام الجميع ويدفعه للتفكير الى ان يجعل كل الاخرين خدماً لتلبية نزواته و ما يريد.
وعندما يكون عاطل عن العمل يمارس تخلفه عندما يصب اللوم على اهل بيته بانهم النحس الذي طرد عنه خير العمل...وعندما يفشل اكثر يدفع البنت او الزوجة للعمل حتى بالتسول و غيرها و يفتخر و يعتبر ذلك واجب عليهن و يسمح لنفسة الاستفادة من اجورهن ويتباهى بذلك...و لا يقوم بواجباتهن البيتية عندما يذهبن للعمل.
الرجل المتخلف الأمي معذور...لكن المتعلم المتخلف غير معذور.

#عبد_الرضا_حمد_جاسم (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات