احمد ومحمد وحسين وبشرى وعدوية

ماجد العذاري

الحوار المتمدن-العدد: 3996 - 2013 / 2 / 7 - 09:15
المحور: كتابات ساخرة
    

احمد ومحمد وحسين وبشرى وعدوية
احرار ووفاق وطني وقانون وعراقية
تجديد وحوار وطني والدعوة الاسلامية
عراقيون ودعوة العراق وتيار المستقلين والدستورية العراقية
ديموقراطي واتحاد وطني وكادحين والحركة الاسلامية
وباقي القوائم الي اشتركت بالحملة الانتخابية
واحمد ومحد وحسين وبشرى وعدوية
اولادي واغلى من العين وغالين اعلية
ـــــــــــــــــــــــــــــــــــــــــــــــــ

عندما تقدموا للانتخابات وهب المواطن العراقي ليطلع على اهداف كل كتلة واستبشر خيرا ولكن ولله الحمد
لم يتحقق اي شيء
بس لايطلعلي واحد ايكول مشاريع عملاقة
عمي الله يخليك
ويكثر دولاراتك
ويزيد سياراتك
وقصورك
وفنادقك
وعماراتك
انريد مشروع قزم واحد بس واحد فقط واحد لاغير
وباللغة الانكليزية
Only one
وباللغة الاسبانية
Sólo uno
وباللغة الايطالية
Solo uno
وباللغة البولونية
او البولندية هاي العمت عليه
Tylko jeden
وباللغة الروسية
Только один
وبكل لغات العالم
بس مشروع واحد قزم
نص ردن
لو بدون ردن يمعودين
والعملاق خليه الك ولجهالك
وطركاعة الكهرباء اشكد اخذتوا ملاين الدولارات ولحد الان تيتي تيتي مثل ما رحتي اجيتي
الماء الصافي الزراعة الصناعة كلشي ماكو هبياض
ولكم بس كلولي فتحتولكم شارع بيه حظ
لو هن نفسهن اجيبون بهل زفتات واتكوموهن على الاوليات
مطرتين فضحنكم فضيحة الصخول
المجاري امسدده واذا كانت هناك مجاري لبعتوا بيها لعب الخضيري بشط
السكك الحديدية خو نفسه لا زدتولكم خط ولا حسنتولكم خط ولا جبتولكم قطار بيه حظ
المطارات نفسه اوووووووووووووووه راح ايكلي مطار النجف عمي هذا مو مطار
هذا كراج مال باصات في احد الدول الاوربية المديونة للبنك الدولي خاف انتم مكيفين
زين بعد شنو
الارامل والايتام شنو الي سويتوه المهم بس تطلعلي هاي الي امخليه على راسها 14 حجاب احمر واخضر واصفر وعبالك قوس قزح وتسفط سوينا وسوينا وينكم 99 بالمائة من الارامل والايتام كلشي ما كو بس ربك هو الي يخلي اهل الرحم تعطف عليهم
زين الشهداء مال الانفجرات وين حقوقهم

واليكم
أهداف الكتلة حسب برنامجها الانتخابي
والتعليق على كل برنامج بالمختصر المفيد
ــــــــــــــــــــــــــــــــــــــــــــــــــــــــــــــــــــــــــــــــــــــ
محاربة الفساد المالي والاداري واعتماد الكفاءة معيارا لاختيار المسؤولين في الدولة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليق
الي طبقوه على الارض انهم حاربوا الفساد القديم لكونه اصبح من الموديلات القديمة والتي لا تتماشى من العصر الحديث بحيث تفننوا في اساليب الفساد المالي والاداري
والحق يقال اخذوا معيار الكفاءة في اختيار المسؤولين في الدولة
بحيث جابو بياع جكاير ودولار في بورصة الموصل وسوه وزير وجابو بياع خضره في لندن وسوه وزير وجابو معلم وزور شهادته بايران وبالهند وسوه وزير
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خفض رواتب المسؤولين والنواب، ومحاربة الفساد الاداري. ملاحقة ومحاكمة رموز النظام السابق. الاهتمام بالصناعة وتطوير القطاع الخاص. الاهتمام بقطاع الكهرباء وصولا الى كهرباء بلا انقطاع
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليق
صحيح خفضوا رواتب المسعولين بيحيث اخر احصائية عالمية اثبتت ان البرلماني العراقي يتقاضى اعلى راتب في العالم قياس بالبرلمانيين في كل العالم
اما محاكمة رموز النظام السابق لحد الان موجودين في اجهزة الدولة واخرها ما كشفه النائب الشيخ صباح الساعدي
واما الصناعة وتطوير القطاع الخاص فلله الحمد قمنا نصدر سيارات سايبة الى ايران والقطاع الخاص غزى اسواق العالم بصناعة المهافيف
واحلى نكته مال الكهرباء وخلي انشوف وننتظر عام 2014 بالمشمش راح ايطبقونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


حماية حقوق الانسان وتشجيع منظمات المجتمع المدني، مكافحة الفساد الاداري والمالي، الاهتمام بضحايا النظام السابق من ذوي الشهداء، اطلاق سراح الابرياء من المعتقلين، اشاعة روح التعايش السلمي، اعادة المهجرين الى مناطق سكناهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليق
اما الانسان الي لحد الان يدور على حقوقه مدري وين ضاعت فحدث ولا حرج واما ضحايا النظام السابق فالحق يقال جعلوا لهم حي في كل مدينة يحمل اسم حي التنك
اما اطلاق سراح الابرياء والله لو ما المظاهرات فلا يطلع واحد منهم
والتعايش السلمي اسكت وخليها القتل صار على الهوية
والمهجرين يطببوبهم بدرابين لا اله راس ولا نهاية وكلشي ماكو
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


العمل على تطبيق المادة 140 الخاصة بكركوك لاعادة الوضع على ماهو عليه في المدينة قبل سبعينات القرن الماضي ،وضمها الى اقليم كردستان. ضم المناطق ذات الغالبية الكردية في محافظات الموصل وديالى وصلاح الدين الى الاقليم. دعم الملف الاقتصادي في البلاد وفتح باب الاستثمار الاجنبي بما يخدم جميع الجوانب. تحسين الخدمات المقدمة الى المواطنين، لاسيما فيما يتعلق بملف الكهرباء
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليق
كركوك جعلوا منها وطبقوا عليها الحزورة المشهورة
البيضة من الدجاجة لو الدجاجة من البيضة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ضم جميع الاراضي الكردية الى كردستان. كركوك مدينة كردية ولا يمكن التنازل عنها باي شكل من الاشكال. تعزيز الواقع الخدمي في المناطق الكردية ومساعدة المعوزين والمحرومين عن طريق توسيع شبكة الرعاية الاجتماعية. النهوض بالاقتصاد والزراعة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليق
صار 10 سنين دايخين بالمستقطعة لو المتنازع عليها لو المشتركة لو المدولبة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


تسليح وتأهيل الجيش العراقي واعادة بنائه وفق اسس وطنية، والاستعانة بالضباط في الجيش العراقي السابق في هذا المجال. التمسك باجراء التعديلات المطلوبة على بعض النقاط في الدستور العراقي. تشجيع الاستثمار في القطاعات الصناعية والزراعية والاقتصادية. منح ملف الخدمات الاولوية التي يستحق في البرنامج الحكومي والتخصيصات. جدولة الانسحاب الاميركي من العراق والغاء الميليشيات وابعاد الاجهزة الامنية عن سطوة الاحزاب والميليشيات
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليق
ولا فقرة طبقوها واذا بلشوا بتطبيق فقرة وحده راسا صار خمط المليارت كل 10 مليارت بعقد
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بناء مؤسسات الدولة بعيدا عن انظمة المحاصصة والاعتماد على الكفاءات العلمية والمتخصصة. دعم مشروع تمليك الدولة للمواطن لتعزيز الروابط بين الدولة والمواطن وتوزيع قطعة ارض لكل عراقي عند بلوغه 18 عاما. توسع دائرة المشاركة السياسية لكل العراقيين بغض النظر عن انتماءاتهم العرقية والطائفية. صيانة الحريات العامة والخاصة. تعزيز مشروع المصالحة الوطنية ودعم الانفتاح الخارجي على دول العالم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليق
قوييييييييييييييييييية
مال بعيد عن المحاصصة
شيء عجيب ابدا عمي لا اكو محاصصة ولا هم يحزنزن
اكو مجاصصة كل واحد يجبن طاسة جص ويبيض صفحة كتلته وايكول بس الي الشغلة وينطي اشجم شغلة لغيره
واماتوزيع الاراضي
اسكت وخليها اصلا النواب يوميا يصيحون يمعودين ما انريد قطع على كورنيش الكاضمية بلكي اشوي احسن والمواطن يصيح ما اريد اطلع من احياء التنك لان صعبة ومكلفة نقل اثاثي الى الدور الي اتخصصها النا الحكومة الموقرة وشيفك التبريد والتدفئة المركزية من ابيوتنا بحي التنك وشي ينصبهن من جديد
بس الي استحوا ماتوا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تدعو القائمة الى اللحمة ورص الصفوف بين ابناء القوميتين الرئيسيتين في العراق العرب والاكراد، كما تطالب بترسيم حدود اقليم كردستان وضم كركوك اليها. وتدعو إلى الاستفادة من البعد الإسلامي لدعم مطالب الشعب الكردي والحفاظ على مكتسباته وحقوقه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليق
اما اللحمة فما عرفتها يعني كيلو لحمة على ما يقولون المصرين
لك يا لحمة الي ما غاسلة وجهها انتوا دوختوا العالم اكو واحد يطب من محافظة الى محافظة الى بموافقة
بس عايزة فيزا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

#ماجد_العذاري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات