العلامة وجدى غنيم

مصطفى محمود عباس

الحوار المتمدن-العدد: 3995 - 2013 / 2 / 6 - 10:01
المحور: كتابات ساخرة
    

تواتر الأحداث اللى بقت أكتر من المطرة بتاع يوم 30 يناير 2013 واللى بقت أكتر من ضرب الغاز عند عمر مكرم الساعة 2 الفجر واللى برضه عدّت بكتير اوى عدد مرات اقتحام فندق بحجم سيمراميس والهدوء اللى خيم على البيوت فجأة والسكون اللى بقى على حوادث القطارات وبنفس معدل تزايد أصوات مرسى ونعم للدستور فى بلاد الجنوب وهدوءهم على قتل اولادهم وعدم تحميل مرسى أى مسؤلية سياسية وتكملة الاحداث اللى تواترها بقى اكبر من بوسترات أبواسماعيل فى الشوارع اللى تقريبا بيتنا بس اللى اتنجد من بوستراته هو وكام بيت جنبنا عشان فى شارع مش ناس كتير هتعرف مين ابواسماعيل واسامه صابر اللى شغال الش ليل ونهار لدرجة انى بقيت حاسس انه عايش عشان يألش كل التواتر دا خلانى أقول محدش بيشوفك ليه.؟

الكلام طبعا عن الدكتور الاستاذ العلامة كبير علماء العرب وجدى بيه غنيم..أستاذ اللى مش عارف ايه على اللى ناوى اعرفه فى النار على وقت البزرميط واستاذ الحديث عن الانجاس الاقباط المسيحسن ,,يامسيحين يا انجاس يا شراميط .. هو دا التعريف بتاع وجدى غنيم ومأثور من كلامه الشخصى فى فيديوهات عاملة زى خد وهات بين واحد اعمى والتانى اطرش فى زفة معاظميها هبل على ناس بتفهم وعاملة عبط!!

كل دا كوم والاستاذ العلامة كوم تانى .. عارفين لما واحد يقول لواحد انا مسيحى ياااه بستحقر اللى بيسمع من انه ميردش ويقوله كلنا انسان .. فيها ايه مسيحى مسلم يهودى بوذى كلنا بشر كلنا من نفس الجنس والنوع والا انت كائن فضائى مثلا؟!!

الناس مش قادرة تفرق لسه لحد النهاردة ان الدين لله والوطن للجميع مش للمسلمين المتعصبين امثال وجدى غنيم ..

حكايات الباشا كتير وفضايحه أكتر وانا مش مشغول بفضح الناس … ولا يهمنى الناس تفهمه زى مانا وغيرى كتير فاهمينه انا نفسى اللى بيساندوه وبيضربوا الناس وعمال على بطال شتيمة وتجريح فى اى معارض .. انتوا ايه ؟؟

زينا كدا بتأكلوا وتشربوا وتفكروا وتفهموا والا لا مؤاخذة .. ؟!!

ليت كل عالم ملتزم بعلمه والمجال اللى بيفهم فيه .. العلامة وجدى غنيم عامل نفسه بيفهم فى كل حاجة .. وأى حاجة وعن اى حاجة ومحدش يقول لحوم العلماء مسمومة!!

سؤال بسيط للعلامة .. انت مين عشان تقول على الناس الشرفاء انجاس وشراميط؟

سؤال تانى بس للى بيساندوه عمال على بطال .. انتوا بتساندوه على ايه ؟ على نجاسته وطول لسانه واستهتاره باى دين تانى وازدراءه للمسيحين ومعاملتهم على انهم كلاب نجساء !!

الشيخ وجدى وعبدالله بدر وخالد عبدالله ومحمود هاتولى راجل ومحمد حسان ومحمد حسين يعقوب والباقى اللى زيهم .. استقيموا يرحمكم الله.

#مصطفى_محمود_عباس (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات