( رجاءً عدم التحدث بالسياسة )

صادق الريكان

الحوار المتمدن-العدد: 3960 - 2013 / 1 / 2 - 23:36
المحور: كتابات ساخرة
    

( رجاءً عدم التحدث بالسياسة )
في زياراتي لأحدى المحافظات العراقية قبل بضعة أيام... إستأجرت سيارة تاكسي من مركز المدينة لأحد الأقضية بعد مدٍ وجزرٍ اتفقنا على المبلغ المطلوب فصعدت ...فإيتدأني بـ( الله أبو الخير أبو الشباب ... ) فأجبته :(الله أبو الخير حبيبي..) هذا قبل إن أضع مؤخرتي على ((الكشن)) فبدأ بالحديث عن همومه اليوميه بألم ولوعة قائلاً :
(والله الوضع تعبان والعيشة مرة أني أطلع بالشارع مو للشغل اشرد من البيت ومشاكلة ....حتى هاي السيارة مو مالتي مال صاحبي كلي اشتغل بيهه أحسن ماكاعد .. الخ...)
بلغني الصمت إلى درجة كبيرة جداً ولم أتفوه معه بكلمة واحدة أحسست انه امتعض مني كثيراً لعدم مبادلتي الحديث معه فبادرني بالكلام تارةً أخرى :
(....أبو الشباب أنت من يامنطقة.....قلت له من : (بغداد) أبدى إستغرابه قائلاً :
(هااااااا يعني أنت مو من محافظتنه ... الله يساعدكم على الأوضاع هناك يكولون كلش تعبانة تفجيرات وخطف وقتل وفوكاها ازدحامات شلوووووووون عايشين!!! صدك جذب هي هاي حكومتيش !!!
بشرفي لو أني مسؤول هناك لأعيشكم بنعيم .!!! ابن عمي تره هي مايرادلهه روحة للقاضي أجيب ذولة الإرهابيين وأعدمهم كبال الشعب تره ناسنة ماتجي اله بالعين الحمرة شلون ذاك النذل صدام بس عمي جان ضابطهه !!!منو يكدربه إلف رحمة على روحك أي والله!!!!!!!! ..... فتسألت مع نفسي أيَّ تناقضٌ هذا في كلامه (( ...أدري مرة نذل ومرة ألف رحمة على روحه.؟؟؟ المهم...))
وثاني شي شغلة الكهرباء ليش ماكو كهرباء ها.. كلي ليش ماكو كهرباء ....... نضرت له دون إن (اكلة ليش) اجابين إني أكلك ليش لأن ملتهين بالبوك ميدرون هذا الشعب كاتلة الفكر أي والله من كبر لف هيج حكومة,,,
طلعو مظاهرة شوفولكم جارة انتم هم ماادري شلونكم..
لعلمك إني أول شخص بالمحافظة طلع مظاهرة حتى قبل لايستشهد هذا التونسي ((بو عزوز.!)
وكفت كبال المحافظة وشايل لافتة بيدي كتلهم مااروح إذا ماتشوفولي حل ((كان بودي إن اسأله ماذا مكتوب باللافتة.؟)
بعد معاناة كما يقول (وصياح وعياط) دخلت بناية المجلس بس اعتقد همة دخلوا إنذار ويمكن اتصلو أبغداد علمود يبلغوهم بحالتي
((ادري شبيك سرطان الثدي.. حالتي وحالتي ... هاي شنوا الحجي بكلبي))
لكن لم يتركني الفضول قليلا فسألته أي شسوولك بعدبن.... ها دخلت لرئس مجلس المحافظة وحجيت ويا وكلي .. اقرب فرصة للتعين ازركك بيهه لاتخاف روح ابو جاسم.؟؟؟؟ (ما اعرف يمكن المحافظ نسيبة شنو هالميانة..!)
أخيرا وصلت للمكان المقصود بعد معاناة وانأ استخرج ((الكروة)) من جيب البنطلون نظرت إمامي في داخل السيارة قطعة مكتوب فيها ((رجاءً عدم التحدث بالسياسة))

#صادق_الريكان (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات