حديث مع مستشار

ماجد الحيدر
شاعر وقاص ومترجم
(Majid Alhydar)

الحوار المتمدن-العدد: 3942 - 2012 / 12 / 15 - 02:32
المحور: كتابات ساخرة
    

أمة أضحكت الأمم
حديث مع مستشار

-هذا شلون شعب مزعج!
ما عدهم شغل وعمل بس يضوجون السيد رئيس الوزراء.

-إي والله كوللهم: مرة الاكراد مرة مقتدى مرة الشيوعيين مرة علاوي مرة صولاغ مرة الشبيبي مرة صباح الساعدي مرة اتحاد الادباء مرة ممثل المرجعية مرة جماعة ساحة التحرير مرة المتقاعدين مرة الصحفيين مرة سرسرية التويتر والفيسبوك مرة البطرانين اليريدون كهرباء..
اخذوها بالعقل: قابل كلهم صح وآني غلطان؟ معقولة رئيس وزراء يغلط؟
النوب ينكنكون من المطر والطين والبحيرات..

-عجيبه. اكو شعب ما يحب الماي؟ وبعدين شنو المطر هم بيده يا كفار؟

-وبعدين يا كهرباء الخابصينه بيها؟ متشوفون احنه بيش مشغولين؟ أشو نطلع من مؤتمر نطب عملية سياسية..أصلا ما دا نلحك نحك راسنة!

-لا سيدي النوب يشتكون من المفخخات والكواتم.. شنو ابتلى الرجال صار قائد عام قوات مسلحة ووزير دفاع وداخلية بالوكالة؟ قابل تريدوه يوكفلكم بالسيطرات؟ شنو هالحسد؟
والنوبة طالعين بسالفة بغداد أسوأ عاصمة.... والله انتو ما تستحون! شنو هوه رئيس وزراء لو كناس ما الخلفوكم؟ إذا انتو شعب وسخ شيسويلكم رئيس وزراء؟
كافي عاد الرجال شيصير ؟ كل هاي الإنجازات وبعدكم ما راضين عليه؟
وداعتك سيدي كلهم فلول البعث الصدامي والأرهاب...لا يا ناكرين الجميل!

- والله يا أخي دا أفكر أغيّر هذا الشعب المزعج واستريح!
- والله خوش فكرة سيدي. والله انته عبقري سيدي. والله انته حرامات بهذا الشعب سيدي..


ملاحظة: يمكن تغيير جميع الأسماء والمسميات المذكورة أعلاه لتتلاءم مع كل عصر.. وزعيم... مستشار!

#ماجد_الحيدر (هاشتاغ)       Majid_Alhydar#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات