( غيرة الصندوك )

حامد كعيد الجبوري

الحوار المتمدن-العدد: 3937 - 2012 / 12 / 10 - 23:00
المحور: الادب والفن
    

موجهة الى أبناء شعبي العراقي للسعي و الخلاص من خلال صناديق الاقتراع

لا تعض أصبع ندم نفسك تلوم
هاي سفرة والدرب موحش طويل
والسفر يحتاج للناوي الرحيل
مال ومتاع ومرافق خل خليل
ولا تعض أصبع ندم كلشي تشوف
جفة الميزان تنزل بالثكيل
ساحة الميدان مليانه أبخيول
الفرس بالمركاض ليغرك صهيل
الخيل أصالة ولا تراهن عالهجين
بالسباق الفائز أمعرب أصيل
ولا تقارن بلبل أبنعق الغراب
البلابل صوتها يشفي العليل
خلي بالك والذئاب أتلف عليك
أتخم فريسة ولا تصيرلها الجتيل
أحنه ولد اليوم أمس خلّف أهموم
وظهر أبن الغانمه الهمك يشيل
( حسين )يعرفها الزلم بالأمتحان
أختار (للحوراء) (أبو فاضل) كفيل
*****
لا تزيد اللوم تلعن للزمان
الصوج بينه ودرس للعاقل دليل
اليريد الجنة يزرع للورود
ويحصد الخيرات يترس للشليل
ما ألوم الغيم لو شحت سماه
يعرف المعتام يمطر سلسبيل
شله الذرعان حزّم غيرتك
مثل هذا البلد ما يحصل مثيل
الخير ينزل من شماله وللجنوب
(الفرات) العشك (دجلة) ام النخيل
حزام واحد(عربي)( كردي) و(تركمان)
(شيعي) (سني) ودين تنزيل الجليل
باجر الصندوك يحسم للجدال
وبيدك أنت الضيم عن شعبك تزيل
( أدخلوها بسلام آمنين )
العراق البيت ما نقبل بديل
--------------------------------

#حامد_كعيد_الجبوري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات