دلعك أتكتب علينا وعد

زهرة الشمس محمد

الحوار المتمدن-العدد: 3786 - 2012 / 7 / 12 - 17:23
المحور: كتابات ساخرة
    

بأحبها و عمرى
ما قدرت أحب عليها
بس ما كنتش أعرف
أن فى يوم
هأدبح على أيديها!
بس من النهارده
أنا كرهت حنينى ليها
وده برده كان صنع أيديها
****
أندبحت فيكى يا بلد
وأنا..أنا كنت حته...
حتة ولد
تتحاكى بيه البلد
أوعى تقوللى
أن اللى دبحونى
مش ولادك!
أوعى تقولى
أن اللى قتلونى
مش أحفادك!
ما هم ولادك يابلد
يا تتبرى منهم
يا تقولى أن أنا
مش ابنك يا بلد
أو تقولى أنك
أتبريتى من ده الولد
وأنا اللى يا ما
رفعت اسمك فوق
وأنا اللى نزل تحت
علشان تطلعى لفوق
وأنا اللى ياما اتشال
فيكى وأتهبد
علشان يفضلوا
يقولوا عليكى
تحيا ديه البلد
ورغم كل ده
قاسية على يابلد
ورغم كل قساوتك
لاسة عاشقك يابلد
****
أنا اللى شغال
فيكى فحت وردم
أنا الجدار العازل
ليكى لما أيد تتمد
وأنا الحيطة المايله
لما تميلى تتهد
بكفايكى دلع يا بلد
بكفايكى دلع يا بلد
علشان دلعك
بجد فاق الحد
والدلع الكتير
يا بلد
يبنى بينا
وبينك سد
بزياده دلع
بزيادة دلع
ولا دلعك
أتكتب علينا وعد!
بزيادة يا بلد
بزيادة برق ورعد
بزيادة دلع
ولا دلعك
أتكتب علينا وعد

#زهرة_الشمس_محمد (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات