حيدر الحيدر
الحوار المتمدن-العدد: 3752 - 2012 / 6 / 8 - 05:11
المحور:
الادب والفن
مختارات من دفتري القديم (زعلت منك )
ــــــــــــــــــــــــــــــــــــــــــــــــــــــــ
شِطبْتـَك من دواويني
لا دينـك بَعـد ديني
وَلَتظـن بَعـد تِعنيني
وما ريـدك تحاچيـني
***
لَبْعِـد شوفتـك عنـي
وبسمك بعـد ماغنـي
يللـي خَيّـبت ظنـي
ولا ذنـب البِـِدَه مِنـي
***
إبنار الهجـر ترميـني
بجمر الغدر تچـويني
ومامش حد يداويـني
طبيبي وأنته ناسيـني
***
چنت ساكن بِِدلاّلي
عليك عِگـدت آمـالي
تالي تِغـدر بحـالي
بِِعت برخص كل غالي
***
تبيع برخص كل حُبنه
وتنــكر كـل مَحبتنه
لا چَنـك ولا چَنــه
ولا چَن العشگ خَذْنه
***
اشلونـك بَعـد ما گـلك
انتـه اللي نِكـرت خِلك
خَلـك مِبتـعـد خَلـك
لَـنْ گلبـي بعـد مَلَّـك
ــــــــــــــــــــــــــــــ
حيدر الحيدر
27 / 5/ 1971
#حيدر_الحيدر (هاشتاغ)
كيف تدعم-ين الحوار المتمدن واليسار والعلمانية
على الانترنت؟