عبدالله صقر
الحوار المتمدن-العدد: 3748 - 2012 / 6 / 4 - 09:43
المحور:
الادب والفن
من مواطن مصرى للرئيس القادم
أرجوك تسمعنى ياريس
أرجوك تسمعنى كويس
لآنى بتكلم فى المظبوط
وموش بهيس
ياريس كلنا بنستناك
وقلوب مصر معاك
كلنا ها نساعدك
وها نبقى معاك
لازم تعرف أن الخوف
راح من جوانا
لآننا زهقنا من اللى كانوا
عايشين معانا
ضحكوا علينا من سنين
شربونا المرار وأكلونا الطين
زهقنا وملينا من حياتنا
وبندور على حياة ثانية
غير الحياة الدنيا
لآنها حياة فانية
ولو ماكنتش ها تقف معانا
ها ندور على حياة فيها الجنة
وعلى فكرة دم الشهيد فى رقبتك
تقدر تجيب حقه برجولتك بشهامتك
وموش عاوزين حد يجرح كرامتنا
ولا يكون فيه سجون تجرح عزتنا
وتحاول تقف جنب الفقير المسكين
وترجع له حقه المهضوم من سنين
وترفع إسم مصر فى العالى
وتخلينا نحبك طوالى
وأخيرا أدعوا لك بالتوفيق
أنه يبعد عنك بطانه السوء والتلفيق
#عبدالله_صقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟